ഗിയർ ലിവറിന്​ പകരം മുളവടി; സ്​കൂൾ ബസ്​ ഡ്രൈവർ അറസ്​റ്റിൽ

മുംബൈ: ഗിയർ ലിവറിന്​ പകരം മുളവടി വെച്ച്​ സ്​കൂൾ ബസോടിച്ച സംഭവത്തിൽ ഡ്രൈവർ അറസ്​റ്റിൽ. സ്​കൂൾ ബസ്​ ഡ്രൈവറായ ര ാജ്​ കുമാറാണ്​ മുംബൈയിൽ അറസ്​റ്റിലായത്​. ഖാർ വെസ്​റ്റിലാണ്​ സംഭവം. ​ഗിയർ ലിവറി​​​െൻറ സ്ഥാനത്ത്​ മുളവടിയുമായി സഞ്ചരിച്ച സ്​കൂൾ ബസിനെ കാറിൽ സഞ്ചരിച്ച ഒരാൾ പിന്തുടർന്ന്​ പിടികൂടുകയായിരുന്നു.

തുടർന്ന്​ പൊലീസെത്തി സ്​കൂൾ ഡ്രൈവർക്കെതിരെ ​െഎ.പി.സി സെക്ഷൻ 279, 336 വകുപ്പുകൾ ചുമത്തി ​കേസെടുത്തു. തകരാറിലായ ഗിയർ ലിവർ ശരിയാക്കാനുള്ള സമയം ലഭിച്ചില്ലെന്നും അതിനാലാണ്​ മുളവടി കൂട്ടിക്കെട്ടി വണ്ടിയോടിച്ചതെന്നുമാണ്​ ഡ്രൈവർ നൽകുന്ന വിശദീകരണം.

ഡ്രൈവർ ഇത്തരത്തിൽ വണ്ടിയോടിച്ചതിനെ കുറിച്ച്​ അറിയില്ലെന്നായിരുന്നു സ്​കൂൾ അധികൃതരുടെ പ്രതികരണം. സംഭവം ഞെട്ടിക്കുന്നതാണെന്നും അന്വേഷണവുമായി പൂർണമായും സഹകരിക്കുമെന്നും അവർ വ്യക്​തമാക്കി.