കുഞ്ഞിന്​ പാൽ കൊടുക്കുന്നതിനിടെ വാഹനം പൊലീസ്​ കെട്ടിവലിച്ചു

മുംബൈ: നിർത്തിയിട്ട കാറിലിരുന്ന്​ പിഞ്ചുകുഞ്ഞിന്​ അമ്മ പാൽ നൽകുന്നിതിനിടെ പൊലീസ്​ വാഹനം വലിച്ചുനീക്കി. മുംബൈ സിറ്റിയിലാണ്​ സംഭവം. പ്രതിഷേധം ഉണ്ടായതിനെതുടർന്ന്​ രണ്ടു പൊലീസുകാരെ സസ്​പെൻഡ്​ ചെയ്​തു.  പൊലീസുകാരുടെ നിർദേശപ്രകാരം കാർ ബലംപ്രയോഗിച്ച്​ നീക്കാൻ തുടങ്ങിയപ്പോൾ യുവതി ബഹളം വെക്കുകയും താൻ കുഞ്ഞിന്​ പാൽ നൽകുകയാണെന്ന്​ പറയുകയും ചെയ്​തെങ്കിലും ഫലമുണ്ടായില്ല. ഇതി​​െൻറ വിഡിയോ ദൃശ്യങ്ങൾ പ്രചരിച്ചതോടെയാണ്​ സംഭവം വിവാദമായത്​. തുടർന്ന്​ പൊലീസുകാർക്കെതിരെ നടപടിയെടുക്കുകയായിരുന്നു.