Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightപൂച്ചകൾ തുണയായി;...

പൂച്ചകൾ തുണയായി; മുംബൈയിൽ ഓടയിൽനിന്ന്​ ചോരക്കുഞ്ഞിനെ രക്ഷിച്ച്​ പൊലീസ്​

text_fields
bookmark_border
പൂച്ചകൾ തുണയായി; മുംബൈയിൽ ഓടയിൽനിന്ന്​ ചോരക്കുഞ്ഞിനെ രക്ഷിച്ച്​ പൊലീസ്​
cancel

മിണ്ടാ പ്രാണികളും ചിലപ്പോൾ മനുഷ്യന്​ ചെയ്യാൻ കഴിയുന്നതിനേക്കാൾ വലിയ ഉപകാരങ്ങൾ ചെയ്യാൻ കഴിയും എന്നതിന്‍റെ തെളിവാണ്​ തെരുവിലെ കുറേ പൂച്ചകൾ. തുണിയിൽ പൊതിഞ്ഞ്​ മരണത്തിന്‍റെ വക്കിലെത്തിയ ഒരു ചോര കുഞ്ഞിന്​ ജീവൻ തിരിച്ചു കിട്ടിയതിന്​ കാരണക്കാർ ഇപ്പോൾ ആ പൂച്ചകളാണ്​.

മുംബൈയിലെ പന്ത്​നഗറിലാണ്​ സംഭവം. അഴുക്കുചാലിന്​ സമീപം പൂച്ചകൾ കൂട്ടംകൂടി കരയുന്നത്​ കണ്ട പ്രദേശവാസികളാണ്​ ആദ്യം അവിടേക്ക്​ ശ്രദ്ധിക്കുന്നത്​. പൂച്ചകളുടെ കൂട്ടക്കരച്ചിൽ സംബന്ധിച്ച്​ നാട്ടുകാർ പന്ത്നഗർ പൊലീസ്​ സ്​റ്റേഷനിൽ വിവരം അറിയിച്ചു. സ്​ഥലത്തെത്തിയ പൊലീസാണ്​ തുണിയിൽ പൊതിഞ്ഞ നിലയിൽ ചോര കുഞ്ഞി​നെ കണ്ടെത്തിയത്​.

നഗരത്തിലെ ക്രൈം ഹോട്ട്‌സ്‌പോട്ടുകളിൽ പട്രോളിംഗ് നടത്തുന്ന മുംബൈ പൊലീസിന്‍റെ നിർഭയ സ്‌ക്വാഡ് ആണ്​ സംഭവസ്ഥലത്തെത്തി കുഞ്ഞിനെ രക്ഷപ്പെടുത്തിയത്​. രാജവാഡിയിലെ ആശുപത്രിയിലെത്തിച്ച കുഞ്ഞ്​ സുഖം പ്രാപിച്ച്​ വരുന്നതായി പൊലീസ്​ അറിയിച്ചു. കുഞ്ഞിനെയും എടുത്ത്​ പൊലീസുകാർ നിൽക്കുന്ന ചിത്രവും മുംബൈ പൊലീസ്​ സമൂഹ മാധ്യമങ്ങളിൽ പോസ്റ്റ്​ ചെയ്​തിട്ടുണ്ട്​. കുഞ്ഞിന്‍റെ മാതാപിതാക്കളെ കുറിച്ചോ ഇവിടെ ഉപേക്ഷിച്ചവരെ കുറിച്ചോ കൂ2ുതൽ വിവരങ്ങൾ ലഭ്യമായിട്ടില്ല.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:newbornmumbai police news
News Summary - Mumbai Police Rescue Newborn From Drain After Cats Alert Residents
Next Story