സമ്മതമില്ലാതെ ജനനം നൽകിയ മാതാപിതാക്കൾക്കെതിരെ യുവാവ്​ കോടതിയിൽ

മുംബൈ: സമ്മതമില്ലാതെ ജനനം നൽകിയ മാതാപിതാക്കൾക്കെതിരെ കോടതിയെ സമീപിക്കാ​നൊരുങ്ങി മുംബൈ സ്വദേശിയായ യുവാവ് ​. റാഹേൽ സാമുവൽ എന്ന 27 കാരനാണ്​ ​ ത​ന്നെ ഭൂമിയിലെ വിഷമങ്ങൾക്കും ഭാരങ്ങൾക്കുമിടയിൽ ജീവിക്കുന്നതിനായി ജനിപ്പിച് ചതിനെ രംഗത്തെത്തിയിരിക്കുന്നത്​.

മനുഷ്യ ജീവിതം ദുരിതങ്ങൾ നിറഞ്ഞതാണെന്നും അനുകമ്പയുടെ പേരിൽ കുഞ്ഞുങ്ങളെ ജനിപ്പിക്കരുതെന്നും പ്രചരിപ്പിക്കുന്ന ‘ആൻറിനാറ്റലിസ’ത്തിൽ വിശ്വസിക്കുന്നയാളാണ്​ റാഹേൽ. മാതാപിതാക്കളെ താൻ സ​്​നേഹിക്കുന്നുണ്ട്​. എന്നാൽ എന്തിനാണവർ വേദനയും വിഷാദവും അനുഭവിക്കുന്നതിനായി തന്നെ ജനിപ്പിച്ചത്​. ഇൗ ലോകത്ത്​ ചെയ്യണമെന്ന്​ ആഗ്രഹിക്കുന്ന ഒരു കാര്യവും ചെയ്യാൻ കഴിയുന്നില്ല. തന്നെ ജനിപ്പിച്ചത്​ മാതാപിതാക്കളുടെ സന്തോഷത്തിനും ആനന്ദത്തിനും വേണ്ടി മാത്രമാണെന്നും റാഹേൽ പറയുന്നു.

ആത്മരതിപരമായ കാര്യമാണ്​ പ്രജനനമെന്നും ദുരിതങ്ങൾ സഹിക്കുന്നതിന്​ കുഞ്ഞിനെ അനുവാദനമില്ലാതെ ഭൂമിയിലേക്ക്​ നയിക്കുന്നത്​ തെറ്റാണെന്നും റാഹേൽ അഭിപ്രായപ്പെടുന്നു. പ്രജനനം അവസാനിപ്പിക്കണമെന്നും ദുരിതങ്ങൾ നിറഞ്ഞ ജീവിതത്തിലേക്ക്​ ഒരു ജീവനേയും വലിച്ചിഴക്കരുതെന്നുമാണ്​ പറയാനുള്ളതെന്നും റാഹേൽ സാമുവൽ വ്യക്തമാക്കുന്നു.

റാഹേലി​​​െൻറ മാതാപിതാക്കൾ ഇരുവരും അഭിഭാഷകരാണ്​. ജനനത്തെ ചോദ്യം ചെയ്​ത്​ തങ്ങൾക്കെതിരെ ഹരജി നൽകാനുള്ള മക​​​​െൻറ ത​േൻറടത്തെ പ്രശംസിക്കുന്നുവെന്നും അവ​​​െൻറ ജനനത്തിന്​ അനുവാദം ചോദിക്കാതിരുന്നത്​ തെറ്റാണെന്ന്​ അംഗീകരിക്കുന്നുവെന്നും റാഹേലി​​​െൻറ മാതാവ്​ കവിത കർനാട്​ സാമുവൽ ​ഫേസ്​ബുക്കിലൂടെ പ്രതികരിച്ചു.