മകളെയും കൊച്ചുമകളെയും ബലാത്സംഗം ചെയ്​ത 65കാരന്​ ജീവപര്യന്തം തടവും പിഴയും

മുംബൈ: മകളെയും കൊച്ചുമകളെയും ബലാത്സംഗം ചെയ്​ത 65കാരന്​ ജീവപര്യന്തം തടവുശിക്ഷയും പിഴയും. മഹാരാഷ്​ട്രയിലെ മുംബൈ സ്​പെഷൽ പോക്​സോ കോടതിയാണ്​ ശിക്ഷ വിധി​ച്ചത്​.

15 വയസ്​ മുതൽ ​മകളെ പിതാവ്​ ബലാത്സംഗം ചെയ്​തിരുന്നു. മകളുടെ വിവാഹശേഷം ബലാത്സംഗ വിവരം പുറത്തുപറഞ്ഞാൽ കൊച്ചുമകളെ ഉപദ്രവിക്കുമെന്ന്​ ഭീഷണിപ്പെടുത്തിയതായും യുവതി കോടതിയിൽ പറഞ്ഞു.

പിതാവും സഹോദരനും ഭർത്താവും ഒരേ ജോലി​െചയ്യുന്നവരാണ്​. യുവതി വീട്ടി​ൽ അമ്മക്കൊപ്പം വീട്ടുജോലികളും ചെയ്യും. പിതാവ്​ ബലാത്സംഗം ചെയ്​തിരുന്ന വിവരം അയൽവാസിയോട്​ പറഞ്ഞിരുന്നതായും യുവതി കോടതിയിൽ പറഞ്ഞു.

2017ൽ കൊച്ചുമകളെയും ഇയാൾ ബലാത്സംഗം ചെയ്​തതോടെയാണ്​ യുവതി പരാതി നൽകിയത്​. മുത്തച്ഛൻ ഉപദ്രവിച്ച വിവരം പെൺകുട്ടി യുവതിയെ അറിയിക്കുകയായിരുന്നു. തുടർന്ന്​ ഇയാൾക്കെതിരെ പോക്​സോ വകുപ്പുകളും ബലാത്സംഗ കുറ്റവും ചുമത്തി കേസെടുത്തു.

ജീവപര്യന്തം തടവിന്​ ശിക്ഷിച്ചതിന്​ പുറമെ 50,000 രൂപ മകൾക്കും 25,000 രൂപ കൊച്ചുമകൾക്കും നഷ്​ടപരിഹാരം നൽകണമെന്നും കോടതി വ്യക്തമാക്കി.