മുംബൈയിൽ വാതകചോർച്ചയില്ലെന്ന്​ അഗ്​നിശമനസേന

മുംബൈ: നഗരത്തിൽ വാതക ചോർച്ചയില്ലെന്ന സ്ഥിരീകരിച്ച്​ അഗ്​നിശമനസേനാ അധികൃതർ. നഗരത്തി​​െൻറ പല ഭാഗങ്ങളിൽ നിന്ന്​ ലഭിച്ച വാതക ചോർച്ച സംബന്ധിച്ച പരാതികളിലാണ്​ സേനയുടെ വിശദീകരണം. ആരും ആശങ്കപ്പെടേണ്ട സാഹചര്യമില്ലെന്നും അഗ്​നിശമനസേന അറിയിച്ചു.

പരാതികളുയർന്ന സ്ഥലങ്ങളിൽ വാതകചോർച്ചയില്ലെന്ന്​ സ്ഥിരീകരിച്ചിട്ടുണ്ട്​. പോവയ്​, അന്ധേരി മേഖലകളിൽ നിന്നാണ്​ ഇതുമായി ബന്ധപ്പെട്ട ​പ്രധാനമായും പരാതികളുയർന്നത്​​. 17 ഫയർ എഞ്ചിനുകളിൽ സേനാ ഉദ്യോഗസ്ഥർ പരിശോധന നടത്തിയെങ്കിലും വാതകചോർച്ച കണ്ടെത്താൻ കഴിഞ്ഞില്ലെന്ന്​ അഗ്​നിശമനസേന അറിയിച്ചു.

പരാതികൾ ലഭിച്ചയുടൻ ഹിന്ദുസ്ഥാൻ പെട്രോളിയം, ഭാരത്​ പെട്രോളിയം, മഹാനഗർ ഗ്യാസ്​, രാഷ്​ട്രീയ കെമിക്കൽ ആൻഡ്​ ഫെർട്ടിലൈസർ തുടങ്ങിയ കമ്പനികളെ അഗ്​നിശമനസേന വിവരമറിയിച്ചിരുന്നു. സ്ഥിതി നിയന്ത്രണവിധേയമാണെന്നും ആശങ്കപ്പെടേണ്ട സാഹചര്യമില്ലെന്നും ബൃഹാൻ മുംബൈ കോർപറേഷൻ അധികൃതരും അറിയിച്ചു.

ചെമ്പുർ, ഗാട്ട്​കോപാർ, കൻജുമാർഗ്​, വറോലി, പോവയ്​ തുടങ്ങിയ സ്ഥലങ്ങളിലെ ജനങ്ങളാണ്​ വാതകചോർച്ചയുമായി ബന്ധപ്പെട്ട പരാതിയുമായി കോർപറേഷൻ അധികൃതരേയും അഗ്​നിശമന സേനയേയും സമീപിച്ചത്​​.