മുംബൈയിൽ കോവിഡ്​ പ്രതിരോധം ഫലം കാണുന്നുവെന്ന്​

മും​ബൈ:  ന​ഗ​ര​ത്തി​ൽ കോ​വി​ഡ്​ ബാ​ധി​ത​രു​ടെ എ​ണ്ണം കാ​ൽ​ല​ക്ഷം ക​ട​ന്നി​ട്ടും വൈ​റ​സ്​ വ്യാ​പ​നം  നി​യ​ന്ത്ര​ണ​വി​ധേ​യ​മാ​കു​ന്നു​വെ​ന്ന്​ സൂ​ച​ന ന​ൽ​കി ക​ണ​ക്കു​ക​ൾ. മ​ര​ണ​നി​ര​ക്കും  രോ​ഗി​ക​ളു​ടെ എ​ണ്ണം ഇ​ര​ട്ടി​ക്കു​ന്ന​തി‍​െൻറ തോ​തും കു​റ​ഞ്ഞു​വ​രു​ന്നു. മേ​യ്​  അ​വ​സാ​നം ന​ഗ​ര​ത്തി​ൽ 75,000ത്തോ​ളം പേ​രെ കോ​വി​ഡ്​ ബാ​ധി​ക്കു​മെ​ന്നാ​യി​രു​ന്നു  നേ​ര​ത്തേ​യു​ള്ള പ്ര​വ​ച​നം. എ​ന്നാ​ൽ, പു​തി​യ സാ​ഹ​ച​ര്യ​ത്തി​ൽ അ​ത്​ 40,000ൽ  ​താ​ഴെ​യാ​കു​മെ​ന്ന്​ വി​ദ​ഗ്​​ധ​ർ തി​രു​ത്തി. രോ​ഗി​ക​ളു​ടെ എ​ണ്ണം  ഇ​ര​ട്ടി​ക്കു​ന്ന തോ​ത്​ ഒ​രാ​ഴ്​​ച​യി​ൽ​നി​ന്ന്​ ര​ണ്ടാ​ഴ്​​ച​യാ​യി കു​റ​ക്കാ​ൻ  ക​ഴി​ഞ്ഞ​താ​യി ക​ണ​ക്കു​ക​ൾ വ്യ​ക്ത​മാ​ക്കു​ന്നു. ന​ഗ​ര​ത്തി​ലെ മ​ര​ണ​നി​ര​ക്ക്​ 3.33 ആ​യും  കു​റ​ഞ്ഞു. സം​സ്​​ഥാ​ന​ത്തെ മ​ര​ണ​നി​ര​ക്ക്​ 3.4 ആ​ണ്. 

വെ​ള്ളി​യാ​ഴ്​​ച വ​രെ​യു​ള്ള ക​ണ​ക്ക്​ പ്ര​കാ​രം ന​ഗ​ര​ത്തി​ൽ 909 പേ​ർ മ​രി​ക്കു​ക​യും 27,251 പേ​ർ​ക്ക്​ രോ​ഗം ബാ​ധി​ക്കു​ക​യും ചെ​യ്​​തി​ട്ടു​ണ്ട്. 6,096 പേ​ർ​ക്ക്​  ഇ​തി​ന​കം രോ​ഗം മാ​റു​ക​യും ചെ​യ്​​തു. കോ​വി​ഡ്​ ഹോ​ട്​​സ്​​പോ​ട്ടാ​യ ധാ​രാ​വി  ചേ​രി​യി​ൽ ഇ​തു​വ​രെ 1478 പേ​ർ​ക്കാ​ണ്​ രോ​ഗം ബാ​ധി​ച്ച​ത്. മേ​യ്​ അ​വ​സാ​ന​ത്തോ​ടെ  2000ത്തോ​ള​മാ​യി അ​ത്​ ഉ​യ​രും. സാ​മൂ​ഹി​ക അ​ക​ലം അ​സാ​ധ്യ​മാ​യ ചേ​രി​യി​ൽ​നി​ന്ന്​  കു​ടി​യേ​റ്റ​ക്കാ​രി​ൽ ന​ല്ല ശ​ത​മാ​നം നാ​ടു​ക​ളി​ലേ​ക്ക്​ മ​ട​ങ്ങി​യ​ത്​ ഏ​റെ  ആ​ശ്വാ​സ​മാ​യി​ട്ടു​ണ്ട്. 

എ​ന്നാ​ൽ, കോ​വി​ഡ്​ വ്യാ​പ​ന  പ്ര​തി​രോ​ധ​ത്തി​ൽ ഫ​ലം പ്ര​ക​ട​മാ​കു​ന്നു​വെ​ങ്കി​ലും ചി​കി​ത്സ​രം​ഗ​ത്തെ പി​ഴ​വു​ക​ൾ  പ്ര​തി​കൂ​ല​മാ​കു​ന്നു. ഗു​രു​ത​രാ​വ​സ്​​ഥ​യി​ലു​ള്ള​വ​ർ​ക്ക്​ സ​മ​യ​ത്ത്​  ചി​കി​ത്സ ല​ഭി​ക്കു​ന്നി​ല്ല. 
ഇ​തി‍​െൻറ ഇ​ര​യാ​യി ന​ഗ​ര​ത്തി​ൽ ഒ​രു ഡോ​ക്​​ട​റും  മ​രി​ച്ചു. ല​ക്ഷ​ത്തോ​ളം കി​ട​ക്ക​ക​ൾ ത​യാ​റാ​ക്കി​യെ​ങ്കി​ലും ചി​കി​ത്സ എ​വി​ടെ  ല​ഭി​ക്കു​മെ​ന്ന്​ നി​ർ​ദേ​ശി​ക്കാ​ൻ ന​ഗ​ര​സ​ഭ​ക്ക്​ ക​ഴി​യു​ന്നി​ല്ല. ഒ​രാ​ഴ്​​ച​ക്ക​കം ഇ​ത്​  പ​രി​ഹ​രി​ക്കു​മെ​ന്നാ​ണ്​ ന​ഗ​ര​സ​ഭ പ​റ​യു​ന്ന​ത്.