ശാഹീൻബാഗ്​: കവിയെ പൊലീസിലേൽപിച്ച ഉബർ ഡ്രൈവർക്ക്​ ബി.ജെ.പിയുടെ ആദരം

മുംബൈ: പൗരത്വ ഭേദഗതി നിയമത്തിനെതിരായ പ്രതിഷേധങ്ങളെക്കുറിച്ച്​ സംസാരിച്ചതിന്​ യാത്രക്കാരനായ യുവകവി ബപ്പാദി ത്യ സർക്കാറിനെ പൊലീസിലേൽപിച്ച ഉബർ ഡ്രൈവർക്ക്​ ബി.ജെ.പിയുടെ ‘അലർട്ട്​ സിറ്റിസൺ അവാർഡ്​’. സാന്താക്രൂസ്​ പൊലീ സ്​ സ്​റ്റേഷൻ പരിസരത്തുവെച്ച്​ ബി.ജെ.പി മുംബൈ അധ്യക്ഷനും എം.എൽ.എയുമായ മംഗൾ പ്രതാപ്​ ലോധയാണ്​ ഡ്രൈവർ രോഹിത്​ സിങ്ങിന്​ പുരസ്​കാരം നൽകിയത്.
ജാഗരൂകനായ പൗര​​െൻറ ഉത്തരവാദിത്തമാണ്​ രോഹിത്​ സിങ്​ പ്രകടിപ്പിച്ചതെന്ന്​ പറഞ്ഞ ലോധ, ഡ്രൈവറെ സസ്​പെൻഡ്​​ ചെയ്​ത ഉബർ കമ്പനിയെ വിമർശിക്കുകയും ചെയ്​തു.

രോഹിത്​ സിങ്ങിനെ തൽകാലത്തേക്ക്​ സസ്​പെൻഡ്​​ ചെയ്​തതായി ഉബർ, ബപ്പാദിത്യ സർക്കാറിനെ വിളിച്ചറിയിച്ചു.

കഴിഞ്ഞ ചൊവ്വാഴ്​ച രാത്രി ജുഹുവിൽനിന്ന്​ കുർളയിലേക്ക്​ യാത്ര ചെയ്യുമ്പോഴാണ് ബപ്പാദിത്യയെ ശാഹീൻബാഗ്​ സമരത്തെക്കുറിച്ച്​ സംസാരിച്ചതി‍​െൻറ പേരിൽ ഡ്രൈവർ പൊലീസിലേൽപിച്ചത്​. കുറ്റകരമായി ഒന്നും കണ്ടെത്താത്തതിനെ തുടർന്ന്​ പൊലീസ്​ ബപ്പാദിത്യയെ വിട്ടയക്കുകയും ചെയ്​തു.

പൗരത്വ ഭേദഗതി നിയമത്തിന്​ താൻ എതിരാണെന്നും ശാഹീൻബാഗ്​, മുംബൈ ബാഗ്​, ജയ്​പൂർ പ്രതിഷേധങ്ങളിൽ പങ്കെടുത്തതായും ബപ്പാദിത്യ പറഞ്ഞു. ഇനിയും സമരങ്ങളിൽ പങ്കെടുക്കുമെന്നും പൗരത്വ ഭേദഗതി നിയമത്തിനെതിരെ കവിത ചൊല്ലുമെന്നും അദ്ദേഹം ആവർത്തിച്ചു.