മുഗൾ ഭരണം അകലെയല്ല; ശാഹീൻബാഗിൽ പ്രതികരണവുമായി ബി.ജെ.പി എം.പി

ന്യൂഡൽഹി: ശാഹീൻബാഗിൽ പൗരത്വ ഭേദഗതി നിയമത്തിനെതിരെ നടക്കുന്ന പ്രതിഷേധങ്ങളിൽ പ്രതികരണവുമായി ബി.ജെ.പി എം.പി തേജ സ്വി സൂര്യ. മുഗൾ ഭരണം രാജ്യത്തേക്ക്​ തിരിച്ച്​ വരികയാണെന്ന്​ പ്രക്ഷോഭങ്ങളെ ചൂണ്ടിക്കാട്ടി സൂര്യ പറഞ്ഞു.

ശാഹീൻബാഗിൽ എന്താണ്​ സംഭവിക്കുന്നത്​. അതിനെ കുറിച്ച്​ രാജ്യത്തെ ഭൂരിപക്ഷം ശ്രദ്ധാലുക്കളല്ല. ദേശസ്​നേഹമുള്ള ഇന്ത്യക്കാർ ഇതിനെതിരെ രംഗത്ത്​ വരുന്നില്ല. മുഗൾ ഭരണമാണ്​ രാജ്യത്ത്​ വരാൻ പോകുന്നത്​. ഡൽഹിയിൽ വൈകാതെ അത്​ എത്തുമെന്നും അദ്ദേഹം വ്യക്​തമാക്കി.

കാലങ്ങളായി നില നിൽക്കുന്ന പല പ്രശ്​നങ്ങൾക്കും പരിഹാരം കാണാൻ പ്രധാനമന്ത്രി നരേന്ദ്രമോദിക്ക്​ സാധിച്ചിട്ടുണ്ട്​. സി.എ.എ അതിന്​ ഉദാഹരണമാണ്​. പൗരത്വം നൽകാനുള്ളതാണ്​ സി.എ.എ നിയമമെന്നും തേജസ്വി സൂര്യ പറഞ്ഞു.