സസ്​പെൻഷൻ റദ്ദാക്കില്ല: പ്ര​തി​പ​ക്ഷം സ​ഭ ബ​ഹി​ഷ്​​ക​രി​ച്ചു, കോടതിയിൽ പോയാലും മാപ്പ്​ പറയില്ലെന്ന്​ എം.പിമാർ

ന്യൂ​ഡ​ൽ​ഹി: രാ​ജ്യ​സ​ഭ​യി​ലെ 12 എം.​പി​മാ​രു​ടെ സ​സ്​​പെ​ൻ​ഷ​ൻ പി​ൻ​വ​ലി​ക്കി​ല്ലെ​ന്ന്​ അ​ധ്യ​ക്ഷ​ൻ വെ​ങ്ക​യ്യ നാ​യി​ഡു സ​ഭ​യി​ൽ അ​റി​യി​ച്ചു. അം​ഗ​ങ്ങ​ളു​ടെ സ​സ്​​െ​പ​ൻ​ഷ​ൻ റ​ദ്ദാ​ക്ക​ണ​മെ​ന്ന​ പ്ര​തി​പ​ക്ഷ നേ​താ​വ്​ മ​ല്ലി​കാ​ർ​ജു​ൻ ഖാ​ർ​ഗെ​യു​ടെ അ​പേ​ക്ഷ ത​ള്ളി​യ വെ​ങ്ക​യ്യ നാ​യി​ഡു, അം​ഗ​ങ്ങ​ൾ​ക്ക്​ ഖേ​ദ​മി​ല്ലെ​ന്ന്​ കു​റ്റ​പ്പെ​ടു​ത്തി. ഇ​തേ തു​ട​ർ​ന്ന്​ പ്ര​തി​പ​ക്ഷം സ​ഭ​യി​ൽ​നി​ന്ന്​ ഇ​റ​ങ്ങി​പ്പോ​യി.

12 പ്ര​തി​പ​ക്ഷ അം​ഗ​ങ്ങ​ളെ പു​റ​ത്താ​ക്കി​യ​ത്​ ജ​നാ​ധി​പ​ത്യ​വി​രു​ദ്ധ​വും സ​ഭാ​ച​ട്ട​ങ്ങ​ൾ​ക്ക്​​ എ​തി​രാ​ണെ​ന്നും മ​ല്ലി​കാ​ർ​ജു​ൻ ഖാ​ർ​ഗെ ചൂ​ണ്ടി​ക്കാ​ട്ടി. എം.​പി​യു​ടെ പേ​രു​വി​ളി​ച്ച്​ സ​സ്​​പെ​ൻ​ഷ​ന്​ മു​മ്പാ​യി ആ ​അം​ഗ​ത്തി​ന്​ പ​റ​യാ​നു​ള്ള​തെ​ന്താ​ണെ​ന്ന്​​ അ​ധ്യ​ക്ഷ​ൻ ചോ​ദി​ക്ക​ണം. തു​ട​ർ​ന്നാ​ണ്​ സ​സ്​​പെ​ൻ​ഷ​ൻ പ്ര​മേ​യം അ​വ​ത​രി​പ്പി​ക്കേ​ണ്ട​ത്. അ​ച്ച​ട​ക്ക​ലം​ഘ​നം ന​ട​ന്ന ദി​വ​സം ത​ന്നെ ഇ​ത്​ ചെ​യ്യ​ണം. എ​ന്നാ​ൽ, തി​ങ്ക​ളാ​ഴ്​​ച ഒ​രാ​ളു​ടെ പേ​രു​പോ​ലും ചെ​യ​ർ​മാ​ൻ പ​രാ​മ​ർ​ശി​ച്ചി​ല്ല എ​ന്ന്​​ ഖാ​ർ​ഗെ പ​റ​ഞ്ഞു.

ബു​ള്ള​റ്റി​നി​ൽ എ​ല്ലാ​വ​രു​ടെ​യും പേ​രു​ക​ളു​ണ്ടെ​ന്ന്​ പ്ര​തി​ക​രി​ച്ച നാ​യി​ഡു സ​ഭ അ​ല​േ​ങ്കാ​ല​മാ​ക്കി​യ​ശേ​ഷം തന്നെ പാ​ഠം പ​ഠി​പ്പി​ക്കു​ക​യാ​ണെ​ന്ന്​ പ​റ​ഞ്ഞു. സ​സ്​​പെ​ൻ​ഡ്​ ചെ​യ്യ​പ്പെ​ട്ട അം​ഗ​ങ്ങ​ൾ ഖേ​ദം പ്ര​ക​ടി​പ്പി​ച്ചി​ട്ടി​ല്ല. അ​തി​നാ​ൽ, പ്ര​തി​പ​ക്ഷ നേ​താ​വി​െൻറ അ​പേ​ക്ഷ പ​രി​ഗ​ണി​ക്കു​ന്നി​ല്ലെ​ന്നും സ​സ്​​പെ​ൻ​ഷ​ൻ റ​ദ്ദാ​ക്കു​ക​യി​ല്ലെ​ന്നും വെ​ങ്ക​യ്യ നാ​യി​ഡു വ്യ​ക്​​ത​മാ​ക്കി. അ​തോ​ടെ മ​ല്ലി​കാ​ർ​ജു​ൻ ഖാ​ർ​ഗെ​യു​ടെ നേ​തൃ​ത്വ​ത്തി​ൽ പ്ര​തി​പ​ക്ഷ അം​ഗ​ങ്ങ​ൾ ഇ​റ​ങ്ങി​പ്പോ​യി. തൃ​ണ​മൂ​ൽ അം​ഗ​ങ്ങ​ൾ അ​ൽ​പം ക​ഴി​ഞ്ഞ്​ ഡെ​റി​ക്​ ഒ​ബ്​​റേ​െൻറ നേ​തൃ​ത്വ​ത്തി​ൽ വേ​റി​ട്ട ഇ​റ​ങ്ങി​പ്പോ​ക്ക്​ ന​ട​ത്തി. രാ​ജ്യ​സ​ഭാം​ഗ​ങ്ങ​ളു​ടെ സ​സ്​​പെ​ൻ​ഷ​ൻ ഉ​യ​ർ​ത്തി​ക്കാ​ട്ടി ലോ​ക്​​സ​ഭ​യും പ്ര​തി​പ​ക്ഷം സ്​​തം​ഭി​പ്പി​ച്ചു. പ്ര​തി​പ​ക്ഷ പ്ര​തി​ഷേ​ധ​ത്തെ തു​ട​ർ​ന്ന്​ ലോ​ക്​​സ​ഭ നി​ർ​ത്തി​വെ​ച്ച സ്​​പീ​ക്ക​ർ ഒാം ​ബി​ർ​ള ക​ക്ഷി​നേ​താ​ക്ക​ളെ ച​ർ​ച്ച​ക്ക്​ വി​ളി​ച്ചു. രാ​വി​ലെ പാ​ർ​ല​മെൻറ്​ ചേ​രും മു​മ്പ്​ പ്ര​തി​പ​ക്ഷ ക​ക്ഷി​നേ​താ​ക്ക​ൾ മ​ല്ലി​കാ​ർ​ജു​ൻ ഖാ​ർ​ഗെ​യു​ടെ ചേം​ബ​റി​ൽ യോ​ഗം​ചേ​ർ​ന്ന്​ പാ​ർ​ല​മെൻറി​ലെ ഗാ​ന്ധി പ്ര​തി​മ​ക്ക്​ മു​ന്നി​ൽ ധ​ർ​ണ ന​ട​ത്തി. പ്ര​തി​പ​ക്ഷ​ത്തി​നൊ​പ്പം നി​ൽ​ക്കു​മെ​ന്ന്​ തൃ​ണ​മൂ​ൽ വ്യ​ക്​​ത​മാ​ക്കി​.

കോടതിയിൽ പോയാലും മാപ്പ്​ പറയില്ലെന്ന്​ എം.പിമാർ

ന്യൂ​ഡ​ൽ​ഹി: രാ​ജ്യ​സ​ഭ ​അ​ധ്യ​ക്ഷ​െൻറ ജ​നാ​ധി​പ​ത്യ​വി​രു​ദ്ധ ന​ട​പ​ടി​ക്കെ​തി​രെ കോ​ട​തി​യി​ൽ പോ​യാ​ലും മാ​പ്പു​പ​റ​യി​ല്ലെ​ന്ന്​ സ​സ്​​പെ​ൻ​ഷ​നി​ലാ​യ എം.​പി​മാ​ർ. 12 എം.​പി​മാ​രും ബു​ധ​നാ​ഴ്​​ച മു​ത​ൽ സ​മ്മേ​ള​നം തീ​രും​വ​രെ പാ​ർ​ല​മെൻറി​ലെ ഗാ​ന്ധി​പ്ര​തി​മ​ക്ക്​ മു​ന്നി​ൽ ധ​ർ​ണ ന​ട​ത്തും.

സ​മ്മേ​ള​നം തീ​രു​ന്ന​തു​വ​രെ ധ​ർ​ണ ന​ട​ത്താ​നാ​ണ്​ തൃ​ണ​മൂ​ൽ അ​ട​ക്കം അം​ഗ​ങ്ങ​ളു​ടെ തീ​രു​മാ​ന​മെ​ന്ന്​ സ​സ്​​പെ​ൻ​ഷ​നി​ലാ​യ സി.​പി.​എം രാ​ജ്യ​സ​ഭാ​നേ​താ​വ്​ എ​ള​മ​രം ക​രീം പ​റ​ഞ്ഞു. ബി.​ജെ.​പി എ​ഴു​തി​ക്കൊ​ടു​ത്ത​വ​രെ മാ​ത്രം തി​ര​ഞ്ഞെ​ടു​ത്ത്​ സ​സ്​​പെ​ൻ​ഡ്​ ചെ​യ്യു​ക​യാ​ണു​ണ്ടാ​യ​ത്. ആ​ഗ​സ്​​റ്റ്​ 11ലെ ​രാ​ജ്യ​സ​ഭ ബു​ള്ള​റ്റി​നി​ൽ ത​െൻറ പേ​രി​ല്ലാ​തി​രു​ന്നി​ട്ടും സ​സ്​​പെ​ൻ​ഷ​ൻ പ​ട്ടി​ക​യി​ൽ വ​ന്ന​ത്​ ബി.​ജെ.​പി നി​ർ​ദേ​ശ​പ്ര​കാ​ര​മാ​ണ്. രാ​ജ്യ​സ​ഭ സെ​ക്ര​ട്ട​റി ജ​ന​റ​ൽ ഇ​റ​ക്കി​യ ബു​ള്ള​റ്റി​നി​ൽ ഇ​ല്ലാ​ത്ത പേ​ര്​ മാ​ർ​ഷ​ലി​െൻറ പ​രാ​തി​യെ തു​ട​ർ​ന്ന് ഉ​ൾ​പ്പെ​ടു​ത്തി​യ​ത്​ ച​ട്ട​വി​രു​ദ്ധ​മാ​ണ്. പ്ര​തി​പ​ക്ഷം വേ​ണ്ട എ​ന്ന നി​ല​പാ​ടി​ലാ​ണ്​ ബി.​ജെ.​പി​യെ​ന്ന്​ സ​സ്​​പെ​ൻ​ഷ​നി​ലാ​യ സി.​പി.​െ​എ രാ​ജ്യ​സ​ഭ നേ​താ​വ്​ ബി​നോ​യ്​ വി​ശ്വം കു​റ്റ​പ്പെ​ടു​ത്തി. മാ​പ്പ്​ പ​റ​യ​ണ​മെ​ന്നാ​ണ്​ ആവശ്യം. മാ​പ്പു​പ​റ​യാ​ൻ ത​ങ്ങ​ൾ സ​വ​ർ​ക്ക​റ​ല്ല. മു​ട്ടു​കു​ത്തി​നി​ന്ന്​ മാ​പ്പ്​ പ​റ​യു​ന്ന ആ ​പാ​ര​മ്പ​ര്യം ത​ങ്ങ​ളു​ടേ​ത​ല്ലെ​ന്നും ബി​നോ​യ്​ വി​ശ്വം പ​റ​ഞ്ഞു. നി​ര​വ​ധി വ​ർ​ഷ​ത്തെ പാ​ർ​ല​മെൻറ​റി പ​രി​ച​യ​മു​ള്ള എ​ള​മ​രം ക​രീ​മി​െൻറ നെ​ഞ്ച​ത്തി​ടി​ച്ച മാ​ർ​ഷ​ലി​നെ​തി​രെ ന​ട​പ​ടി എ​ടു​ക്കാ​തെ ആ ​മാ​ർ​ഷ​ൽ കൊ​ടു​ത്ത പ​രാ​തി​യി​ൽ ക​രീ​മി​നെ​തി​രെ ന​ട​പ​ടി​യെ​ടു​ത്ത​ത്​ വി​ചി​ത്ര​മാ​ണെ​ന്ന്​ ജോ​ൺ ബ്രി​ട്ടാ​സ്​ പ​റ​ഞ്ഞു.