പാട്ടുപാടിയും മുദ്രാവാക്യം വിളിച്ചും പാർലമെന്‍റിന് മുന്നിൽ രാത്രിയും എം.പിമാരുടെ പ്രതിഷേധം
text_fields
ന്യൂഡല്‍ഹി: കാര്‍ഷിക ബില്ലിനെതിരെ പ്രതിഷേധിച്ചതിനെ തുടര്‍ന്ന് പാര്ലമെന്റില് നിന്ന് പുറത്താക്കപ്പെട്ട എം.പിമാര്‍ രാത്രിയും പ്രതിഷേധം തുടർന്നു. മുദ്രാവാക്യം വിളിച്ചും പാട്ടുപാടിയുമാണ് ഇവർ രാത്രി പാർലമെന്‍റിലെ പാര്‍ലമെന്‍റ് സമുച്ചയത്തിലെ മഹാത്മാഗാന്ധി പ്രതിമക്ക് മുന്നിലെ പ്രതിഷേധം തുടർന്നത്.
#WATCH: Suspended Trinamool Congress MP Dola Sen sings a song in the Parliament premises.
— ANI (@ANI) September 21, 2020
8 suspended Rajya Sabha MPs are protesting at Gandhi statue against their suspension from the House. pic.twitter.com/o1LXmni7Sp
തിങ്കളാഴ്ച രാവിലെയാണ് എം.പിമാരെ പാര്ലമെന്റില് നിന്ന് പുറത്താക്കിയത്. സി.പി.എം എം.പിമാരായ എളമരം കരീം, കെ.കെ.രാഗേഷ്, തൃണമൂൽ കോണ്ഗ്രസ് എം.പിമാരായ ഡെറക് ഒബ്രിയാൻ, ഡോല സെൻ, എ.എ.പിയിലെ സഞ്ജയ് സിംഗ്, കോണ്ഗ്രസ് എം.പിമാരായ രാജീവ് സതവ്, റിപുൻ ബോറ, സയിദ് നസീർ എന്നിവരാണ് കർഷകർക്ക് വേണ്ടി സമരം ചെയ്യുമെന്ന പ്ലക്കാർഡുമായി രാത്രിയിലും സമരം തുടർന്നത്. രാത്രി മുഴുവൻ എം.പിമാർ പ്രതിഷേധക്കുമെന്ന് ഉറപ്പായതോടെ സമീപത്തുതന്നെ ആംബുലൻസും കുടിവെള്ളവും ക്രമീകരിച്ചിരുന്നു.
കേരളത്തില്‍ നിന്നുള്ള സി.പി.ഐ.എം എം.പിമാരായ കെ.കെ രാഗേഷ്, എളമരം കരീം എന്നിവരടക്കം എട്ട് പേരെയാണ് രാജ്യസഭയില്‍ നിന്ന് പുറത്താക്കിയത്. തുടര്‍ന്ന് ഇവര്‍ പാര്‍ലമെന്റിന് പുറത്ത് പ്രതിഷേധിക്കുകയായിരുന്നു. സഭയുടെ അന്തസ്സിന് നിരക്കാത്ത രീതിയില്‍ പെരുമാറിയെന്ന് ചൂണ്ടിക്കാട്ടി സര്‍ക്കാര്‍ ഇവര്‍ക്കെതിരെ പ്രമേയം അവതരിപ്പിക്കുകയായിരുന്നു.