സംശയത്തെ തുടർന്ന്​ ഭാര്യയുടെ ഇരുകൈകളും വെട്ടിമാറ്റി; സംഭവം പ്രണയ വിവാഹിതരായി മാസങ്ങൾക്ക്​ ശേഷം

​ഭോപ്പാൽ: ഭാര്യയുടെ സ്വഭാവത്തിൽ സംശയം ഉടലെടുത്തതിനെത്തുടർന്ന്​ ഭർത്താവ്​ ഇരു കൈകളും വെട്ടിമാറ്റി. മധ്യപ്രദേശി​ലെ സാഗർ ജില്ലയിലാണ്​ സംഭവം. പ്രണയിച്ചു വിവാഹം കഴിച്ച ഇരുവരുടെയും ദാമ്പത്യം വെറും രണ്ടുമാസം പിന്നിടവേയാണ്​ ഞെട്ടിക്കുന്ന സംഭവം.

ഭോപ്പാലിലെ ഹമീദിയ ​ആശുപത്രിയിൽ പ്രവേശിപ്പിച്ച ഭാര്യയുടെ കൈകൾ ഒമ്പത്​ മണിക്കൂർ നീണ്ട ശസ്​ത്രക്രിയക്കൊടുവിൽ ഡോക്​ടർമാർ തുന്നിച്ചേർത്തു. കൈകൾ പ്രവർത്തനക്ഷമമാകുമോ എന്ന്​​ മനസ്സിലാക്കാൻ ഏതാനും ദിവസങ്ങൾ എടുക്കുമെന്ന്​ ഡോക്​ടർമാർ അറിയിച്ചു.

തിങ്കളാഴ്ച രാത്രി വീടിനടുത്തുള്ള കാട്ടിലേക്ക്​ വിറക്​ശേഖരിക്കാനെന്ന്​ ​പറഞ്ഞ്​ ഭാര്യയെ കൊണ്ടുപോയ ശേഷം കോടാലിയുപയോഗിച്ച്​ വെട്ടുകയായിരുന്നു. വിവാഹം കഴിഞ്ഞ്​ 15 ദിവസം കഴിഞ്ഞതുമുതലേ പരപുരുഷ ബന്ധം​ ആരോപിച്ച്​​ പീഡിപ്പിച്ചിരുന്നതായി യുവതി പറഞ്ഞു.