മലദ്വാരത്തിലൂടെ പമ്പ്​ ഉപയോഗിച്ച്​ കാറ്റടിച്ചു; 40 കാരന്​ ദാരുണാന്ത്യം

ശിവ്​പുരി: മധ്യപ്രദേശിലെ ശിവ്​പുരിയിൽ തൊഴിലുടമ പമ്പ്​ ഉപയോഗിച്ച്​ മലദ്വാരത്തിലൂടെ കാറ്റടിച്ചതിനെ തുടർന്ന്​ തൊഴിലാളിക്ക്​ ദാരുണാന്ത്യം. 40 കാരനായ പെർമാനന്ദ്​ ധാക്കഡാണ്​ മരിച്ചത്​. 45 ദിവസം മുമ്പാണ്​ സംഭവം നടന്നതെന്ന്​ ശിവ്​പുരി പൊലീസ്​ സൂപ്രണ്ട്​ രാജേഷ്​ സിങ്​ ചന്ദൽ പറഞ്ഞു.

ക്വാറിയിൽ ദിവസവേതനത്തിന്​ തൊഴിലെടുക്കുന്ന വ്യക്തിയായിരുന്നു പെർമാനന്ദ്​. തൊഴിലുടമ രാജേഷ്​ റായ്​യുമായുണ്ടായ വേതനത്തെ ചൊല്ലിയുണ്ടായ തർക്കമാണ്​ കൊലപാതകത്തിന്​ കാരണം. പെർമാനന്ദിന്‍റെ സഹപ്രവർത്തകരായ പിന്‍റു, രവി, പപ്പു ഖാൻ എന്നിവരും ക്രൂരകൃത്യത്തിൽ പങ്കാളികളായിരുന്നു. കേസുമായി ബന്ധപ്പെട്ട്​ ഇതു​വരെ പരാതിയൊന്നും ലഭിച്ചിട്ടില്ല. സംഭവം ​ശ്രദ്ധയിൽപ്പെട്ടതോടെ പൊലീസ്​ സ്വമേധയാ കേസന്വേഷണം ഏറ്റെടുക്കുകയായിരുന്നുവെന്നും ആവശ്യമായ നടപടി സ്വീകരിക്കാൻ ബന്ധ​െപ്പട്ടവർക്ക്​ നിർദേശം നൽകിയതായും അദ്ദേഹം പറഞ്ഞു.

നവംബർ എട്ടിനാണ്​ സംഭവം നടന്നതെന്ന മരിച്ച തൊഴിലാളിയുടെ സഹോദരൻ ധാനിറാം ധാക്കഡ്​ പറഞ്ഞു. '​സഹോദരൻ രാവിലെ വീട്ടിൽനിന്ന്​ ജോലിക്കായി പോയിരുന്നു. ഉച്ചകഴിഞ്ഞ്​ ആരോ സഹോദരന്​ ഗ്യസ്​ ട്രബിളാണെന്നും സുഖമില്ലെന്നും അറിയിച്ചു. അദ്ദേഹത്തെ ആശുപത്രിയിലെത്തി കണ്ടതോടെ ഗ്യാസ്​ ട്രബിളിന്‍റെ വേദന​യല്ലെന്ന്​ അറിയിച്ചു. തൊഴിലുടമയും സഹപ്രവർത്തകരും ചേർന്ന്​ പമ്പ്​ ഉപയോഗിച്ച്​ മലദ്വാരത്തിലേക്ക്​ കാറ്റ്​ കടത്തിവിട്ടതാണെന്ന്​ അദ്ദേഹം പറഞ്ഞു. നിരവധി ആശുപത്രികളിൽ അദ്ദേഹത്തെ ചികിത്സക്കായി കൊണ്ടുപോയെങ്കിലും ശനിയാഴ്ച മരിച്ചു' -ധാനിറാം ധാക്കഡ്​ പറഞ്ഞു.

പെർമാനന്ദിന്‍റെ പോസ്റ്റുമോർട്ടം റിപ്പോർട്ട്​ ലഭിച്ചാൽ മാത്രമേ അന്വേഷണം മുന്നോട്ടുകൊണ്ടുപോകാൻ സാധിക്കുമെന്നും ശിവ്​പുരി അറിയിച്ചു.