പശുവിൻെറ കുത്തേറ്റ ബി.ജെ.പി എം.പിയുടെ നില അതീവഗുരുതരം

അഹമ്മദാബാദ്: തെരുവില്‍ അലഞ്ഞുനടക്കുന്ന പശുവിൻെറ കുത്തേറ്റ ഗുജറാത്തിലെ എം.പിയുടെ നില അതീവ ഗുരുതരമായി തുടരുന്നു. ബി.ജെ.പിയുടെ പഠാനില്‍ നിന്നുള്ള എം.പിയായ ലീലാധര്‍ വഗേലയെയാണ്(83) കഴിഞ്ഞ ദിവസം ഗാന്ധിനഗറില്‍ വച്ച് പശു ആക്രമിച്ചത്.

വാരിയെല്ലിനും തലക്കും ഗുരുതര പരിക്കേറ്റ എം.പിയെ അപ്പോളോ ആശുപത്രിയിലെ ഐ.സി.യുവില്‍ പ്രവേശിപ്പിച്ചിരിക്കുകയാണ്. നേരത്തെ ഗുജറാത്തിലെ തെരുവു പശു ശല്യത്തിന് പരിഹാരം കണ്ടെത്തണമെന്ന് സര്‍ക്കാരിനോട് ഹൈക്കോടതി ആവശ്യപ്പെട്ടിരുന്നു.