മധ്യപ്രദേശിലെ ഹണി ട്രാപ്​: അന്വേഷണ സംഘത്തലവനെ വീണ്ടും മാറ്റി

ഭോപാൽ: സംസ്​ഥാനത്തെ പിടിച്ചുകുലുക്കിയ ഹണിട്രാപ്​ വിവാദത്തിൽ പ്രത്യേക അന്വേഷണ സംഘത്തലവനെ മധ്യപ്രദേശ്​ സർക്കാർ വീണ്ടും മാറ്റി. സഞ്​ജീവ്​ ഷമിയെ മാറ്റി ​ൈസബർ സെല്ലി​​െൻറ സ്​പെഷൽ ഡയറക്​ടർ ജനറൽ രാജേന്ദർ കുമാറിനാണ്​ അന്വേഷണ ചുമതല നൽകിയിരിക്കുന്നത്​. എ.ഡി.ജി മിലിന്ദ്​ കനാസ്​കറും ഇൻഡോർ എസ്​.പി രുചി വർധൻ മിശ്രയു​മാണ്​ സംഘത്തിലെ മറ്റംഗങ്ങൾ.

ഒമ്പതു ദിവസത്തിനിടെ രണ്ടാം തവണ അന്വേഷണ സംഘത്തെ പുനഃസംഘടിപ്പിക്കാനുള്ള കാരണം സർക്കാർ വ്യക്​തമാക്കിയിട്ടില്ല. നേര​ത്തേ, സി.ഐ.ഡി ജനറൽ ശ്രീനിവാസ്​ ശർമയെ മാറ്റിയാണ്​ എ.ഡി.ജിയായ ഷമിയെ നിയമിച്ചിരുന്നത്​. രാഷ്​ട്രീയ നേതാക്കളു​ം സിനിമ താരങ്ങളുമടക്കം സമൂഹത്തിലെ പല ഉന്നതരും കുടുങ്ങിയ ഹണി​ട്രാപുമായി ബന്ധപ്പെട്ട്​ അഞ്ചു സ്​ത്രീകളെയും ഒരു പുരുഷനെയും അറസ്​റ്റ്​ ചെയ്​തിട്ടുണ്ട്​. ‘തേൻകെണി’യുടെ വിഡിയോ ദൃശ്യങ്ങളുപയോഗിച്ച്​ ഭീഷണിപ്പെടുത്തി കോടിക്കണക്കിന്​ രൂപയാണ്​ സംഘം സ്വന്തമാക്കിയതെന്നാണ്​ കണ്ടെത്തൽ.