മധ്യപ്രദേശ് ഗവർണർ ലാൽജി ടണ്ഠൻ അന്തരിച്ചു 

ന്യൂഡൽഹി: മധ്യപ്രദേശ് ഗവർണർ ലാൽജി ടണ്ഠൻ അന്തരിച്ചു. 85 വയസ്സായിരുന്നു. ശ്വാസകോശ രോഗബാധിതനായി ചികിത്സയിലായിരുന്നു. മകൻ അശുതോഷ് ടണ്ഠനാണ് മരണവിവരം ട്വിറ്ററിലൂടെ അറിയിച്ചത്. 
കഴിഞ്ഞ ജൂൺ 11നാണ് ശ്വാസകോശ അസുഖത്തിനൊപ്പം പനിയും മൂത്രസംബന്ധമായ അസുഖവും കലശലായതോടെ ആശുപത്രിയിൽ പ്രവേശിപ്പിച്ചത്. മായാവതി, കല്യാൺസിങ് മന്ത്രിസഭകളിൽ അംഗമായിരുന്നു.