Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_right‘അനുയോജ്യരെ’...

‘അനുയോജ്യരെ’ തെരഞ്ഞെടുക്കാൻ കാളകളുടെ ‘ഫുൾ ജാതകം’ നെറ്റിൽ

text_fields
bookmark_border
‘അനുയോജ്യരെ’ തെരഞ്ഞെടുക്കാൻ കാളകളുടെ ‘ഫുൾ ജാതകം’ നെറ്റിൽ
cancel

ഭോപാൽ: സ്വന്തം പശുക്കൾക്ക്​ ‘അനുയോജ്യ വരന്മാരെ’ കണ്ടെത്താൻ ക്ഷീര കർഷകരെ സഹായിക്കുന്നതിന്​ കാളകളുടെ ‘ഫുൾ ജാതകം’ നെറ്റിലിട്ട്​ മധ്യ​പ്രദേശ്​ മൃഗസംരക്ഷണ വകുപ്പ്​.

16 വിവിധ ഇനങ്ങളിൽപ്പെട്ട 200ലധികം കാളകളുടെ വിവരങ്ങൾ​ ഭോപാലിലെ സെൻട്രൽ സീമൻ സ്​റ്റേഷൻെറ www.cssbhopal.com എന്ന വെബ്​സൈറ്റിലുണ്ട്​​. കാളകളുടെ വംശപാരമ്പര്യം വിശദീകരിക്കുന്ന വെബ്​സൈറ്റിലെ ‘pedigree details 2019-20’ എന്ന വിഭാഗത്തിൽ ആണ്​ അവയുടെ ഫോ​ട്ടോ ഉൾപ്പെടെയുള്ള വിവരങ്ങൾ ഉൾപ്പെടുത്തിയിരിക്കുന്നത്​. പൊതുവിവരങ്ങൾ, വിശേഷഗുണങ്ങൾ, ജനിതക രോഗങ്ങൾക്ക്​ നൽകിയ പ്രതിരോധ നടപടികൾ എന്നിങ്ങനെ മൂന്ന്​ ഇനം തിരിച്ചാണ്​ വിവരങ്ങൾ നൽകിയിരിക്കുന്നത്​. യു​.ഐ.ഡി നമ്പർ, ഇനം, ജനിച്ചതെന്ന്​, കൊഴുപ്പിൻെറയും പ്രോട്ടീൻെറയും ശതമാനം​ എന്നിവയെല്ലാം നൽകിയിട്ടുണ്ട്​.

‘ഇവിടെ 16 ഇനം കാളകളുണ്ട്​. ഇതിൽ ജേഴ്​സി, എച്ച്​എഫ്​ എന്നിവയെ ഇറക്കുമതി ചെയ്​തതാണ്​. ഇവയുടെയെല്ലാം ബീജം ശേഖരിച്ച്​, ഗുണമേന്മ നിശ്​ചയിച്ച്​, ശീതീകരിച്ച്​ സൂക്ഷിച്ചിരിക്കുകയാണ്​. ഈ ഡയറക്​ടറിയിലെ വിവരങ്ങൾ വേണമെങ്കിൽ ‘വൈവാഹിക രേഖ’യായും പരിഗണിക്കാം. ഈ വിവരങ്ങൾ പഠിച്ച ശേഷം തങ്ങളുടെ പശുക്കളുടെ പൊക്കവും ആരോഗ്യവും ഒക്കെ അനുസരിച്ചുള്ള കാളകളെ തെരഞ്ഞെടുത്ത്​ അവയുടെ ബീജം വാങ്ങാൻ ക്ഷീരകർഷകർക്ക്​ കഴിയും’- ഭോപാൽ സി.എസ്​.എസ്​ മാനേജർ ഡോ. ദീപാലി ദേശ്​പാണ്​ഡെ പറഞ്ഞു.

ഇത്​ കാളകളുടെ ‘സമ്പൂർണ ജാതക’മായി കണക്കാക്കണമെന്നായിരുന്നു മധ്യപ്രദേശ്​ കന്നുകാലി-വളർത്തുപക്ഷി വികസന കോർപറേഷൻ മാനേജിങ്​ ഡയറക്​ടർ ഡോ. എച്ച്​.ബി.എസ്​ ഭദൗരിയയുടെ പ്രതികരണം.

Show Full Article
TAGS:animal husbandry MP news 
News Summary - MP animal husbandry dept. compiles bull's "matrimonial" data to help farmers find 'match' for cows -India news
Next Story