മൊബൈൽ ഫോൺ അമിതമായി ഉപയോഗിച്ചതിന് അമ്മയുടെ ​ശകാരം; വിദ്യാർഥിനി ജീവനൊടുക്കി

ലഖ്‌നോ: മൊബൈൽ ഫോൺ അമിതമായി ഉപയോഗിച്ചതിന് അമ്മ വഴക്കുപറഞ്ഞതിനെ തുടർന്ന് വിദ്യാർഥിനി ജീവനൊടുക്കി. ഉത്തർ പ്രദേശിലെ ലഖ്നോവിലാണ് സംഭവം. പന്ത്രണ്ടാം ക്ലാസ് വിദ്യാർഥിനി സുനിതയാണ് ആത്മഹത്യ ചെയ്തത്.

സുഖമില്ലാത്തതിനെ തുടർന്ന് ഏതാനും ദിവസമായി സുനിത ക്ലാസിൽ പോയിരുന്നില്ല. മൊബൈൽ ഫോണിൽ കൂട്ടുകാരോട് നിരന്തരം സംസാരിച്ചതിന് അമ്മ ശാസിക്കുകയും മൊബൈൽ ഫോണെടുത്ത് ജോലിക്ക് പോവുകയും ചെയ്തിരുന്നു.

തുടർന്ന് മാനസിക സംഘർഷത്തിലായിരുന്ന സുനിത വീട്ടിലുണ്ടായിരുന്ന സഹോദരനെ കളിക്കാൻ പറഞ്ഞയച്ച് മുറിയിൽ തൂങ്ങിമരിക്കുകയായിരുന്നു. സഹോദരൻ തിരിച്ചെത്തിയപ്പോഴാണ് മരിച്ച നിലയിൽ കണ്ടത്. ലഖ്നോ പൊലീസെത്തി തുടർനടപടിയെടുത്തു.