Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightപൊലീസുകാരനെ ആൾകൂട്ടം...

പൊലീസുകാരനെ ആൾകൂട്ടം തല്ലിക്കൊന്നു; മൃതദേഹം കണ്ട അമ്മ കുഴഞ്ഞ്​ വീണ്​ മരിച്ചു

text_fields
bookmark_border
SHO Ashwini Kumar, his mother
cancel

പട്​ന: ബംഗാളിൽ ആൾക്കൂട്ട ആക്രമണത്തിനിരയായി കൊല്ലപ്പെട്ട ബിഹാറുകാരനായ പൊലീസുകാരന്‍റെ മൃതദേഹം കണ്ട മാതാവ്​ കുഴഞ്ഞ്​ വീണുമരിച്ചു. കിഷൻഗഞ്ച്​ പൊലീസ്​ സ്​റ്റേഷനിലെ എസ്​.എച്ച്​.ഒയായ അശ്വിനി കുമാറാണ്​ (52) പശ്ചിമ ബംഗാളിലെ ഉത്തർ ദിനാജ്​പൂർ ജില്ലയിലെ ഗോൽബോഖർ പൊലീസ്​ സ്​റ്റേഷൻ പരിധിയിൽ വെച്ച്​ കൊല്ലപ്പെട്ടത്​. ശനിയാഴ്ചയായിരുന്നു ദാരുണ സംഭവം.

ഇരുചക്ര വാഹന മോഷണവുമായി ബന്ധപ്പെട്ട്​ തെരച്ചിലിനായാണ്​​ അദ്ദേഹം പന്തപാഡ ഗ്രാമത്തിലെത്തിയത്​. അവിടെ വെച്ച്​ ആൾകൂട്ടം ആക്രമിക്കുകയായിരുന്നു​. ശേഷം ഇദ്ദേഹത്തിന്‍റെ മൃതദേഹം സ്വന്തം നാടായ ജാനകി നഗറിലേക്ക്​ കൊണ്ടുപോയി.

സ്വന്തം മകന്‍റെ ചേതനയറ്റ ശരീരം കണ്ട 70കാരിയായ ഊർമിള ദേവി കുഴഞ്ഞ്​ വീണ്​ മരിക്കുകയായിരുന്നു. അമ്മയുടെയും മകന്‍റെയും അന്ത്യകർമ്മങ്ങൾ ഞായറാഴ്ച നാട്ടിൽ വെച്ച്​ നടന്നു.

ഏഴ്​ പൊലീസുകാർക്ക്​ സസ്​പെൻഷൻ

കുമാറിനൊപ്പം ബംഗാളിൽ റെയ്​ഡിനായി പോയ ഏഴ്​ പൊലീസുകാരെ സസ്​പെൻഡ്​ ചെയ്​തു. ആൾകൂട്ടം ആക്രമിക്കാൻ വന്ന വേളയിൽ സഹപ്രവർത്തകനെ സംരക്ഷിക്കാതെ രക്ഷപ്പെ​ട്ടെന്ന്​ കാണിച്ചാണ്​ നടപടി. റെയ്​ഡിനെത്തിയ സംഘത്തിന്​ ബംഗാൾ പൊലീസിന്‍റെ സഹായം ലഭിച്ചില്ലെന്ന്​ കിഷൻഗഞ്ച്​ എസ്​.പി കുമാർ ആശിഷ്​ പറഞ്ഞു.

തെരഞ്ഞെടുപ്പുമായി ബന്ധപ്പെട്ട ​തിരക്കുകളിലായതിനാലാണ്​ ബിഹാർ പൊലീസിന്​ ഒറ്റക്ക്​ തെരച്ചിൽ നടത്തേണ്ടി വന്നത്​. ആൾക്കൂട്ടക്കൊലയുമായി ബന്ധപ്പെട്ട്​ അഞ്ചുപേരെ ബംഗാൾ പൊലീസ്​ അറസ്റ്റ്​ ചെയ്​തു. മൂന്ന്​ പേരെ ശനിയാഴ്ചയും രണ്ടുപേരെ ഞായറാഴ്ചയുമാണ്​ പൊലീസ്​ പിടികൂടിയത്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:west bengalbihar policemob lynching
News Summary - Mother of Bihar police officer dies of shock after her son mob lynched in West Bengal
Next Story