മോഷ്ടാവിനെ അടിച്ചോടിച്ച് താരമായി അമ്മയും മകളും

ഹൈദരാബാദ്: ഹൈദരാബാദ് ബേഗംപേട്ടിലെ പൈഗ കോളനിയിലെ വീട്ടിൽ കയറിയ മോഷ്ടാവിനെ ധീരമായി ചെറുത്ത് തോൽപ്പിച്ച അമ്മയെയും മകളെയും ഹൈദരാബാദ് പോലീസ് ആദരിച്ചു. ഹൈദരാബാദ് നോർത്ത് സോൺ ഡിസിപി രോഹിണി പ്രിയദർശിയാണ് ഇവരെ പൊന്നാടയണിയിച്ച് ആദരിച്ചത്.

വീട്ടിൽ കയറിയ മോഷ്ടാവിനെ വളരെ ധീരമായാണ് ഈ അമ്മയും മകളും നേരിട്ടത്. വീട്ടിൽ മോഷ്ടാവ് എത്തിയപ്പോൾ അപായ അലാറം മുഴക്കുക മാത്രമല്ല അമ്മയും മകളും ചേർന്ന് അടിക്കുകയായിരുന്നു. ഇതോടെ മോഷ്ടാവിന്റെ കവർച്ചാശ്രമം പരാജയപെടുകയും അയാൾ ഓടി രക്ഷപെടുകയുമായിരിന്നു.