കർണാടകയിലെ സ്കൂളുകളിൽ രാവിലെ ദേശീയഗാനം നിർബന്ധമാക്കി

ബംഗളൂരു: കർണാടകയിലെ സ്കൂളുകളിൽ ഇനി മുതൽ കുട്ടികൾ രാവിലെ ദേശീയഗാനം ആലപിക്കൽ നിർബന്ധം. കൂട്ടപ്രാർഥന ചടങ്ങിൽ ദേശീയഗാനം നിർബന്ധമാക്കി സർക്കാർ ഉത്തരവിറക്കി. എല്ലാ സർക്കാർ, എയ്​ഡഡ്​, സ്വകാര്യ സ്കൂളുകൾക്കും പ്രീ യൂനിവേഴ്​സിറ്റി കോളജുകൾക്കും ഇത്​ ബാധകമാണ്​.

നിലവിൽ തന്നെ ഇക്കാര്യത്തിൽ സർക്കാർ അറിയിപ്പ്​ ഉണ്ടെങ്കിലും ചില ​ൈപ്രമറി, സെക്കൻഡറി സ്കൂളുകൾ രാവിലത്തെ പ്രാർഥനാസമയങ്ങളിൽ ദേശീയഗാനം ആലപിച്ചിരുന്നില്ല. ഇത്​ സംബന്ധിച്ച്​ സർക്കാറിന്​ പരാതികൾ ലഭിച്ചിരുന്നു. പൊതു നിർദേശവകുപ്പിന്‍റെ ബംഗളൂരു നോർത്​, സൗത്​ ഡിവിഷനുകളിലെ​ ഡെപ്യൂട്ടി ഡയറക്ടർമാർ ഈ സ്കൂളുകൾ സന്ദർശിച്ച് ഇക്കാര്യം സ്ഥിരീകരിച്ചിരുന്നു. ഇതി​നെ തുടർന്നാണ് പുതിയ ഉത്തരവ്​.​ സ്കൂളുകൾക്ക്​ നിർദേശങ്ങൾ നൽകാൻ സർക്കാറിന്​ അധികാരം നൽകുന്ന കർണാടക എജുക്കേഷൻ ആക്ട്​ 133 (2) പ്രകാരമാണിത്​.

രാവിലെ വിദ്യാർഥികളെ കൂട്ടമായി നിർത്തി പ്രാർഥന ചൊല്ലാൻ സ്കൂളിൽ സ്ഥലസൗകര്യമി​ല്ലെങ്കിൽ ക്ലാസ്​ റൂമുകളിൽ ദേശീയ ഗാനം ആലപിച്ചാൽ മതിയെന്നും ഉത്തരവിൽ പറയുന്നു.