Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightരാജ്യത്തെ 2500...

രാജ്യത്തെ 2500 ജനപ്രതിനിധികൾക്കെതിരെ ക്രിമിനൽ കേസുകൾ; ഒന്നാം സ്ഥാനത്ത്​ യു.പി

text_fields
bookmark_border
രാജ്യത്തെ 2500 ജനപ്രതിനിധികൾക്കെതിരെ ക്രിമിനൽ കേസുകൾ; ഒന്നാം സ്ഥാനത്ത്​ യു.പി
cancel

ന്യൂഡൽഹി: രാജ്യത്ത്​ 2500 ജനപ്രതിനിധികൾക്കെതിരെ ക്രിമിനൽ കേസുകൾ നിലനിൽക്കുന്നുണ്ടെന്ന്​ കണ്ടെത്തൽ. സുപ്രീംകോടതിയിൽ സമർപ്പിക്കപ്പെട്ട റിപ്പോർട്ടിലാണ്​ ഇതുസംബന്ധിച്ച പരാമർശമുള്ളത്​. 22 സംസ്ഥാനങ്ങളിലെ 2,556 എം.എൽ.എ, എം.പിമാർക്കെതിരെയാണ്​ കേസുകൾ നിലനിൽക്കുന്നത്​. മുൻ ജനപ്രതിനിധികളെ കൂടി ഉൾപ്പെടുത്തിയാൽ എണ്ണം 4,442 ആയി ഉയരും.

മുതിർന്ന അഭിഭാഷകൻ വിജയ്​ ഹൻസാരിയയാണ്​ ഇതുസംബന്ധിച്ച കണക്കുകൾ സുപ്രീംകോടതിയിൽ സമർപ്പിച്ചത്​. ജനപ്രതിനിധികളുടെ കേസുകൾ വേഗത്തിൽ തീർപ്പാക്കണമെന്ന്​ ആവശ്യപ്പെട്ട്​ അശ്വനി കുമാർ നൽകിയ ഹരജിയിലാണ്​ അമിക്കസ്​ക്യൂറിയായി വിജയ്​ ഹൻസാരിയയെ നിയമിച്ചത്​. ഇതിൽ 174 പേർക്കെതിരെ നില നിൽക്കുന്നത്​ ജീവപര്യന്തം തടവ്​ വരെ ലഭിക്കാവുന്ന കുറ്റങ്ങളാണ്​.

ഇതിന്​ പുറമേ അഴിമതി നിരോധന നിയമം, കള്ള​പ്പണം വെളുപ്പിക്കൽ, പൊതുസ്വത്ത്​ നശിപ്പിക്കൽ, മാനനഷ്​ടം എന്നിവയിലും കേസുകളുണ്ട്​. ​ഏറ്റവും കൂടുതൽ കേസുകളുള്ളത്​ യു.പിയിലെ ജനപ്രതിനിധികൾക്കെതിരെയാണ്​. 446 ജനപ്രതിനിധികൾക്കെതിരെയാണ്​ യു.പിയിൽ കേസുകളുള്ളത്​. ഇതിൽ 81 പേർക്കെതിരെ ചുമത്തപ്പെട്ടിരിക്കുന്നത്​ ജീവപര്യന്തം തടവ്​ വരെ ലഭിക്കാവുന്ന കുറ്റങ്ങളാണ്​. ഉത്തർപ്രദേശ്​ കഴിഞ്ഞാൽ ബിഹാർ, കേരളം, ഒഡിഷ, മഹാരാഷ്​ട്ര, തമിഴ്​നാട്​ എന്നീ സംസ്ഥാനങ്ങളാണ്​ ജനപ്രതിനിധികൾക്കെതിരായ കേസുകളിൽ മുൻപന്തിയിലുള്ളത്​.

Show Full Article
TAGS:criminal cases supreme court 
Web Title - More Than 2,500 Sitting MLAs and MPs Face Criminal Cases, Supreme Court Informed
Next Story