പരസ്യം കൂടുതൽ പേരി​ലേക്കെത്താൻ വിവാദം വഴിയൊരുക്കി -തനിഷ്​കി​െൻറ പരസ്യനിർമാതാക്കൾ

ന്യൂഡൽഹി: പിൻവലിക്കപ്പെട്ട പരസ്യം, അതുമായി ബന്ധപ്പെട്ട വിവാദത്തോടെ കൂടുതൽ പേർ കണ്ടതായി തനിഷ്​കി​െൻറ പരസ്യനിർമാതാക്കൾ. കൂടുതൽ പേർ തനിഷ്​ക്​ ഉൽപന്നങ്ങൾ വാങ്ങുന്നതിന്​ വിവാദ പരസ്യം വഴിയൊരുക്കിയെന്നും അവർ വ്യക്​തമാക്കി. ഇതുമായി ബന്ധപ്പെട്ട വിവാദത്തിൽ തനിഷ്​കി​നൊപ്പം മനസ്സുറപ്പിച്ചവരാണ്​ കൂടുതൽ പേരെന്നും ​ 'വാട്​സ്​ യുവർ പ്രോബ്ലം' എന്ന പേരുള്ള ഏജൻസിയുടെ മാനേജിങ്​ പാർട്​ണറും ക്രി​േയറ്റിവ്​ ഹെഡുമായ അമിത്​ അകാലി പറഞ്ഞു.

വിവാദത്തിനുശേഷം, ബഹളമുയർത്തിയ ന്യൂനപക്ഷത്തിനെതിരെ നിശ്ശബ്​ദരായ ഭൂരിപക്ഷം സംസാരിക്കാൻ തുടങ്ങിയതായിരുന്നു യാഥാർഥ്യം. പരസ്യത്തി​െൻറ മർമം സാമുദായിക സൗഹാർദമായതിനാൽ ഇങ്ങനെയൊരു വിവാദം ഞങ്ങളാരും പ്രതീക്ഷിച്ചിരുന്നില്ല. തനിഷ്​ക്​ 'ധൈര്യമുള്ള' കമ്പനിയാണെന്നും ഒടുവിൽ പരസ്യം പിൻവലിക്കേണ്ടിവന്നത്​ വിവാദത്തി​െൻറ പശ്ചാത്തലത്തിൽ തങ്ങളുടെ ജീവനക്കാരുടെ സുരക്ഷ പരിഗണിച്ചാണെന്നും അമിത്​ പറഞ്ഞു.

ടാറ്റ ഗ്രൂപ്പി​െൻറ ഉടമസ്​ഥതയിലുള്ള തനിഷ്​ക്​ ജ്വല്ലറിയുടെ 55 സെക്കൻഡ്​ നീണ്ട പരസ്യമാണ്​ വിവാദമുയർത്തിയത്​. ഹിന്ദുവായ മരുമകളുടെ മതാചാരങ്ങൾക്ക്​ പരിഗണന നൽകുന്ന മുസ്​ലിമായ വീട്ടമ്മയുടെ ദൃശ്യമടങ്ങിയ പരസ്യത്തിനെതിരെ തീവ്ര ഹിന്ദുത്വ നിലപാടുള്ള ചിലർ രംഗത്തുവരികയായിരുന്നു. തുടർന്നാണ്​ തനിഷ്​ക്​ പരസ്യം പിൻവലിച്ചത്​. പരസ്യം പിൻവലിക്കേണ്ടി വന്നെങ്കിലും തനിഷ്​കിനെ പിന്തുണച്ച്​ നിരവധിപേർ രംഗ​ത്തെത്തിയിരുന്നു.

സാംസ്​കാരിക യാഥാർഥ്യങ്ങൾ ദൃശ്യവത്​കരിക്കുക മാത്രമായിരുന്നു ആ പരസ്യം കൊണ്ട്​ ഉന്നമിട്ടിരുന്നത്​. ഒട്ടും രാഷ്​ട്രീയം അതിനുണ്ടായിരുന്നില്ല. 'ഏകത്വ'യും ഐക്യവും മുൻനിർത്തിയുള്ള കാമ്പയിൻ തനിഷ്​ക്​ തുടരുമെന്നും അമിത്​ അറിയിച്ചു. പരസ്യം പിൻവലിക്കാതിരുന്നില്ലെങ്കിൽ കാണുമായിരുന്ന ആളുകളേക്കാൾ കൂടുതൽ പേരിലേക്ക്​ തങ്ങളു​ദ്ദേശിച്ച സന്ദേശം എത്തിയതായും അദ്ദേഹം പറഞ്ഞു.