മൊറ​ട്ടോറിയം കാലാവധി: പാർലമെൻറിന്​ മുമ്പിൽ യു.ഡി.എഫ്​ എം.പിമാരുടെ പ്രതിഷേധം

ന്യൂഡൽഹി: കാർഷികാവശ്യങ്ങൾക്കുള്ള മൊറ​ട്ടോറിയം കാലാവധി നീട്ടണമെന്ന്​ ആവശ്യപ്പെട്ട്​ കേരളത്തിൽ നിന്നുള്ള യു.ഡി.എഫ്​ എം.പിമാർ പ്രതിഷേധിച്ചു. പാർലമ​െൻറ്​ അങ്കണത്തിലെ ഗാന്ധി പ്രതിമക്ക്​ മുമ്പിലായിരുന്നു പ്രതിഷേധം. രാഹ ുൽ ഗാന്ധി ഒഴ​ികെ കേരളത്തിൽ നിന്നുള്ള മുഴുവൻ എം.പിമാരും പ്രതിഷേധത്തിൽ പ​ങ്കെടുത്തു.

കർഷകർ എടുത്ത വായ്​പകൾക്ക്​ സംസ്ഥാന സർക്കാർ ഏർപ്പെടുത്തിയ ഡിസംബർ 31 വരെയുള്ള മൊറ​ട്ടോറിയത്തിന്​ റിസർവ്​ ബാങ്ക്​ അനുമതി നിഷേധിച്ചതിനെ തുടർന്നാണ്​ പ്രതിഷേധം സംഘടിപ്പിച്ചത്​. ഈ വിഷയം​ നേരത്തെ ഡീൻ കുര്യാക്കോസ്​ എം.പി ലോക്​സഭയിൽ ഉന്നയിക്കുകയും ഈ വിഷയത്തിലുള്ള പ്രതിഷേധം അറിയിക്കുകയും ചെയ്​തിരുന്നു. ഇതിൻെറ തുടർച്ചയായാണ്​ യു.ഡി.എഫ്​ എംപിമാർ പാർലമ​െൻറ്​ നടപടിക്രമങ്ങൾ ആരംഭിക്കുന്നതിന്​ മുമ്പ്​ തന്നെ പ്രതിഷേധിച്ചത്​. വരും ദിവസങ്ങളിൽ ഈ വിഷയം പാർലമ​െൻറിൽ ശക്തമായി ഉന്നയിക്കാനും തീരുമാനിച്ചിട്ടുണ്ട്​.

അതേസമയം, പ്രതിഷേധം സംഘടിപ്പിക്കുന്നതിൽ കൂടിയാലോചനകൾ നടന്നില്ലെന്ന്​ എൽ.ഡി.എഫ്​ എം.പി എ.എം. ആരിഫ്​ ആരോപിച്ചു. യു.ഡി.എഫ്​ എം.പിമാരുടെ സമരത്തിന്​ എല്ലാവിധ പിന്തുണയും നൽകുന്നതായും ഇനിയുള്ള സമരങ്ങളിൽ കൂടിയാലോചനകൾ നടക്കുമെന്നാണ്​ പ്രതീക്ഷയെന്നും അദ്ദേഹം പറഞ്ഞു.