മൺസൂണിനും മഴക്കും രാജ്യത്ത്​ തത്​കാല 'ബ്രേക്കെ'ന്ന്​ കാലാവസ്​ഥ വകുപ്പ്​

ന്യൂഡൽഹി: കനത്ത്​ പെയ്​തും ഇടവേളകളിട്ടും തുടർന്ന കാലവർഷത്തിന്​ രാജ്യത്ത്​ തത്​കാല ബ്രേക്കെന്ന്​ കാലാവസ്​ഥ വകുപ്പ്​. വടക്കു കിഴക്കൻ- പശ്​ചിമ മേഖലകളിൽ ചുരുങ്ങിയത്​ ഒരാഴ്ച മഴ പെയ്യാൻ സാധ്യത കുറവാണെന്നാണ്​ പ്രവചനം. ജൂൺ 29 മുതൽ ജൂ​ൈല 11 വരെ സമാനമായി കാലവർഷത്തിൽ ഇടവേളയുണ്ടായിരുന്നു. അതുകഴിഞ്ഞും ദുർബലമായ മഴയാണ്​ രാജ്യത്ത്​ റി​േപ്പാർട്ട്​ ചെയ്​തത്​. ആഗസ്റ്റ്​ 19ന്​ വീണ്ടും സജീവമായെങ്കിലും 24 മുതൽ വീണ്ടും ദുർബലമാകുമെന്നാണ്​ ​ പ്രവചനം.

'തിങ്കളാഴ്ച മുതൽ വടക്കുപടിഞ്ഞാറൻ മേഖലകളിൽ മഴയുടെ സാധ്യത തീരെ കുറവാണ്​. അടുത്ത അഞ്ചു ദിവസത്തേക്ക്​ ദുർബലമായ മൺസൂൺ കാലാവസ്​ഥ തുടരും.

രാജ്യത്ത്​ പൊതുവെ ഈ വർഷം കാലവർഷത്തിൽ കുറവാണ്​ രേഖപ്പെടുത്തിയത്​. മൊത്തം എട്ടു ശതമാനമാണ്​ കുറവ്​. മധ്യേന്തയിൽ 10 ശതമാനവും വടക്കുപടിഞ്ഞാറൻ മേഖലകളിൽ 11ശതമാനവും കുറവാണെങ്കിൽ മഹാരാഷ്​ട്രയുൾപെടുന്ന മേഖലകളിൽ നാലു ശതമാനം കൂടുതലാണ്​.