ബോളിവുഡ്​ ട്വിറ്ററാറ്റിക്ക്​ എന്തിനാണ്​ 'വൈപ്ലസ്'​ സുരക്ഷ? കേന്ദ്രത്തിനെതിരെ മഹുവ മൊയ്​ത്ര

ന്യൂഡൽഹി: ബോളിവുഡ്​ നടി കങ്കണ റാവത്തിന്​ വൈപ്ലസ്​ സുരക്ഷ നൽകിയതിനെതിരെ തൃണമൂൽ കേ​ാൺഗ്രസ്​ എം.പി മഹുവ മൊയ്​ത്ര. 'രാജ്യത്തെ അനുപാതം ഒരു ലക്ഷം പേർക്ക്​ 138 പൊലീസ്​ എന്ന നിലയിലാണ്​​. കൂടാതെ ആഗോളതലത്തിൽ അനുപാതം കുറഞ്ഞ 71 രാജ്യങ്ങളിൽ അഞ്ചാം സ്​ഥാനത്തുമാണ്​​. ഇത്തര​െമാരു സാഹചര്യത്തിൽ എന്തിനാണ്​ ബോളിവുഡ് ട്വിറ്ററാറ്റിക്ക് വൈപ്ലസ്​ സുരക്ഷ നൽകുന്നത്​? കേന്ദ്ര ആഭ്യന്തര മാന്ത്രി, നമ്മുടെ വിഭവങ്ങൾ കൂടുതൽ മെച്ചപ്പെട്ട ആവശ്യങ്ങൾക്ക്​ ഉപോയഗിച്ചുകൂടെ?' -മഹുവ മൊയ്​ത്ര ട്വിറ്ററിൽ കുറിച്ചു.

മുംബൈ 'പാക്​ അധിനിവേശ കശ്മീർ' എന്ന പരാമർശത്തിൽ പ്രതിഷേധമുയർന്നതോടെയാണ്​ ബോളിവുഡ് നടി കങ്കണ റാവുത്തിന്​ വൈ പ്ലസ് കാറ്റഗറി സുരക്ഷ കേന്ദ്ര ആഭ്യന്തരമന്ത്രാലയം ഏർപ്പെടുത്തിയത്​. ഒരു സ്വകാര്യ സുരക്ഷ ഉദ്യോഗസ്ഥൻ, കമാൻഡോകൾ ഉൾപ്പെടെ 11 പൊലീസുകാരുമാണ്​ കങ്കണയുടെ സുരക്ഷക്കുള്ളത്​.

വൈ പ്ലസ്​ കാറ്റഗറി സുരക്ഷ നൽകിയ ആഭ്യന്തരമന്ത്രാലയത്തിയും മന്ത്രി അമിത്​ ഷാക്കും ​കങ്കണ ട്വിറ്ററിലൂടെ നന്ദിയറിച്ചിരുന്നു. 'ഒരു രാജ്യസ്നേഹിയുടെ ശബ്​ദത്തെ ഇല്ലാതാക്കാൻ കഴിയില്ലെന്നാണ്​ ഇത്​ തെളിയിക്കുന്നത്​. ബഹുമാനപ്പെട്ട അമിത് ഷായോട് നന്ദിയുണ്ട്​. അദ്ദേഹത്തിന് വേണമെങ്കിൽ കുറച്ച് ദിവസങ്ങൾക്ക് ശേഷം മുംബൈയിലേക്ക് പോകാമെന്ന്​ എന്നെ ഉപദേശിക്കാമായിരുന്നു. എന്നാൽ, അദ്ദേഹം ഇന്ത്യയുടെ മകളെ ബഹുമാനിക്കുകയും അവളുടെ അഭിമാനവും ആത്മവിശ്വാസവും സംരക്ഷിക്കുകയും ചെയ്തു. ആദരവ്. ജയ് ഹിന്ദ്' - കങ്കണ ട്വിറ്ററിൽ കുറിച്ചു.

സുശാന്ത് സിങ് രാജ്പുത്തിൻെറ മരണത്തിന്​ പിന്നാലെ ചലച്ചിത്ര മേഖലയില്‍ മയക്കുമരുന്ന് ഉപയോഗത്തെ കുറിച്ച്​ വെളിപ്പെടുത്തൽ നടത്തിയ കങ്കണക്ക്​ വിവിധ കോണുകളിൽനിന്ന്​ ഭീഷണി ഉയർന്നിരുന്നു. ഈ സാഹചര്യത്തിലാണ്​ വൈ പ്ലസ്​ കാറ്റഗറി നൽകിയത്​.

മുബൈയെ പാക് അധിനിവേശ കാശ്മീരിനോട് ഉപമിച്ചുകൊണ്ടുള്ള കങ്കണയുടെ ട്വീറ്റ് ഏറെ വിവാദം സൃഷ്​ടിച്ചിരുന്നു. ബി.ജെ.പി അനുഭാവിയായ കങ്കണക്കെതിരെ ശിവ​േസന നേതാക്കൾ പരസ്യമായി രംഗത്തെത്തി. ഇൗ സാഹചര്യത്തിൽ കങ്കണക്ക്​ മുംബൈയിലും സുരക്ഷയൊരുക്കുമെന്ന്​ ഹിമാചൽ പ്രദേശ് സർക്കാർ വ്യക്തമാക്കുകയും ചെയ്തിരുന്നു.

കങ്കണ ഹിമാചല്‍ പ്രദേശി​െൻറ മകളാണെന്നും അതിനാല്‍ തന്നെ സുരക്ഷ ഒരുക്കേണ്ടത് സംസ്ഥാനത്തി​െൻറ കടമയാണെന്നും മുഖ്യമന്ത്രി ജയ്‌റാം താക്കൂര്‍ അറിയിച്ചു. കങ്കണയുടെ സഹോദരിയും പിതാവും സര്‍ക്കാറിനോട് സുരക്ഷ നല്‍കണമെന്ന് ആവശ്യപ്പെട്ട്​ കത്ത്​ നൽകുകയും ചെയ്​തു.

മുംബൈയില്‍ പ്രവേശിച്ചാല്‍ കങ്കണയെ വനിത നേതാക്കളെ വിട്ട്​ തല്ലിക്കുമെന്ന്​ ശിവസേന എം.എല്‍.എ പ്രതാപ് സര്‍നായിക് ഭീഷണിപ്പെടുത്തിയിരുന്നു. കങ്കണ പാക് അധീന കശ്മീരിലേക്ക് പോകുന്നതാണ്​ നല്ലതെന്ന്​ ശിവസേന എം.പി സഞ്​ജയ്​ റാവുത്തും പ്രതികരിച്ചിരുന്നു.

നടൻ സുശാന്ത് സിങ് രാജ്പുത്തി​െൻറ മരണത്തില്‍ മഹാരാഷ്​ട്ര സർക്കാറിനെതിരെ കങ്കണ രൂക്ഷ വിമർശനമാണ്​ ഉന്നയിക്കുന്നത്​. സർക്കാറിനും മുംബൈ പൊലീസിനുമെതിരെ വിമർശനമുയർത്തിയ കങ്കണക്കെതിരെ ആക്ഷേപവുമായി സഞ്ജയ് റാവുത്തും രംഗത്തെത്തി. തുടര്‍ന്നാണ് മുംബൈ പാക്​ അധിനിവേശ കശ്മീർ പോലെയെന്ന് കങ്കണ പ്രസ്താവന ന‌ടത്തിയത്.