Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_right‘‘ഭാരത്​ മാതാ കീ...

‘‘ഭാരത്​ മാതാ കീ ജയ്​’’ ചിലർക്ക്​ അസ്വസ്ഥതയുണ്ടാക്കുന്നു; മ​ൻമോഹനെതിരെ മോദി

text_fields
bookmark_border
‘‘ഭാരത്​ മാതാ കീ ജയ്​’’ ചിലർക്ക്​ അസ്വസ്ഥതയുണ്ടാക്കുന്നു; മ​ൻമോഹനെതിരെ മോദി
cancel

ന്യൂഡൽഹി: ‘‘ഭാരത്​ മാതാ കീ ജയ്​’’ ചിലർ ദുരുപയോഗം ചെയ്യുന്നെന്ന ഡോ. മൻമോഹൻ സിങി​​െൻറ പരമാർശത്തിനെതിരെ പ്രധാനമന്ത്രി നരേന്ദ്രമോദി. ഭാരത്​ മാതാ കീ ജയ്​ വിളിയിൽ ചിലർ അസ്വസ്ഥരാണെന്ന്​ മൻമോഹൻ സിങി​​െൻറ പേര്​ പരാമർശിക്കാതെയാണ്​ മോദി വിമർശിച്ചത്​. ഡൽഹിയിൽ ബി.ജെ.പി പാർലമ​െൻററി യോഗത്തിൽ വെച്ചാണ്​ മോദി പരാമർശം നടത്തിയത്​. നേരത്തെ അവർ വന്ദേ മാതരത്തെ ആണ്​ എതിര്‍ത്തിരുന്നതെങ്കിൽ ഇപ്പോള്‍ ‘ഭാരത് മാതാ കീ ജയ്’ എന്ന് പറയുന്നതിനേയും എതിര്‍ക്കുകയാണെന്നും മോദി കുറ്റപ്പെടുത്തി.

കഴിഞ്ഞ വാരം ജവഹർലാൽ നെഹ്​റുവിനെ കുറിച്ചുള്ള പുസ്​തകത്തി​​െൻറ പ്രകാശനചടങ്ങിനിടെ ദേശീയതയും ‘ഭാരത്​ മാതാ കീ ജയ്​’യും ആക്രമണോത്സുകവും വൈകാരികവുമായ ഇന്ത്യ എന്ന ആശയം സൃഷ്​ടിക്കാൻ ദുരുപയോഗം ചെയ്​തുവെന്ന്​ മൻമോഹൻ വിമർശിച്ചിരുന്നു.

രാഷ്​ട്രങ്ങളുടെ കൂട്ടത്തിൽ ഉൗർജസ്വലമായ ഒരു ജനാധിപത്യ രാജ്യമായാണ്​ ഇന്ത്യ അംഗീകരിക്കപ്പെട്ടിരുന്നത്​. ലോകത്തെ പ്രധാന ശക്​തികളിലൊന്നായി ഇൗ രാജ്യം മാറിയിട്ടുണ്ടെങ്കിൽ അതി​​​െൻറ പ്രധാന ശിൽപിയായി പ്രഥമ പ്രധാനമന്ത്രിയെ അംഗീകരിക്കണം. രാഷ്​ട്രം ഉണ്ടായ കലുഷിതകാലത്ത്​ വ്യത്യസ്​ത സാമൂഹിക രാഷ്​ട്രീയ കാഴ്​ചപ്പാടുകളെ ഉൾക്കൊണ്ട്​ ജനാധിപത്യത്തി​​​െൻറ വഴി തെരഞ്ഞെടുത്ത്​ നയിച്ചത്​ നെഹ്​റുവാണ്​.

എന്നാൽ, ഒരു വിഭാഗം​ ഒന്നുകിൽ ചരിത്രം വായിക്കാനുള്ള ക്ഷമയില്ലാതെ അല്ലെങ്കിൽ മുൻധാരണകളാൽ നയിക്കപ്പെട്ട്​ നെഹ്​റുവി​​​െൻറ തെറ്റായ ചിത്രമാണ്​ നൽകുന്നത്​. എന്നാൽ, ചരിത്രത്തിന്​ വ്യാജങ്ങളെയും കുത്തുവാക്കുകളെയും തള്ളാനും എല്ലാം കൃത്യമായ പരിപ്രേക്ഷ്യത്തിലാക്കാനുമുള്ള ശേഷിയുണ്ടെന്നും മൻമോഹൻ സിങ്​ പരാമർശിച്ചിരുന്നു.

Show Full Article
TAGS:manmohan singh india bharath matha ki jai malayalam news 
News Summary - Modi's Jibe At Manmohan Singh Over "Bharat Mata Ki Jai"
Next Story