മോദിയുടെ മൂന്നുവർഷത്തെ വിമാനയാത്ര ചെലവ് 255 കോടി
text_fieldsന്യൂഡൽഹി: കഴിഞ്ഞ മൂന്ന് വർഷത്തിനിടെ പ്രധാനമന്ത്രി നരേന്ദ്ര മോദിയുടെ വിദേശ രാജ്യ സന്ദർശനങ്ങൾക്കായി വിമാനം ചാർട്ടർ ചെയ്ത വകയിൽ ചെലവഴിച്ചത് 255 കോടി രൂപ. വിദേശകാര്യ സഹമന്ത്രി വി. മുരളീധരൻ രാജ്യസഭയിൽ അറിയിച്ചതാണിക്കാര്യം.
2016- 17 വർഷം 76.27 കോടി, 2017- 18ൽ 99.32 കോടി എന്നിങ്ങനെയാണ് മുൻ വർഷങ്ങളിലെ ചെലവ്. 2018- 19 കാലയളവിൽ 79.91 കോടി ചെലവഴിച്ചെങ്കിലും അതിെൻറ ബിൽ ഇതുവരെ ലഭിച്ചിട്ടില്ലെന്നും മുരളീധരൻ അറിയിച്ചു.
ആഭ്യന്തര വിമാനയാത്രയുടെ ചെലവ് സംബന്ധിച്ച ചോദ്യത്തിന് പ്രധാനമന്ത്രിയുടെ ഔദ്യോഗിക യാത്രകൾക്ക് വ്യോമസേനയുടെ വിമാനങ്ങളും കോപ്ടറുകളും സൗജന്യമായി വിട്ടുനൽകുമെന്നതാണ് നിയമമെന്നും മന്ത്രി പറഞ്ഞു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.