ആദിയോഗി പ്രതിമ പ്രധാനമന്ത്രി നരേന്ദ്രമോദി അനാഛാദനം ചെയ്തു

കോയമ്പത്തൂര്‍: വെള്ളീങ്കിരി ഈഷ യോഗ കേന്ദ്രത്തില്‍ പുതുതായി നിര്‍മിച്ച 112 അടി ഉയരമുള്ള ആദിയോഗിയുടെ പ്രതിമ പ്രധാനമന്ത്രി നരേന്ദ്രമോദി അനാഛാദനം ചെയ്തു. വെള്ളിയാഴ്ച വൈകീട്ട് 5.50ന് കോയമ്പത്തൂര്‍ വിമാനത്താവളത്തിലിറങ്ങിയ പ്രധാനമന്ത്രിയെ തമിഴ്നാട് ഗവര്‍ണര്‍ വിദ്യാസാഗര്‍ റാവു, മുഖ്യമന്ത്രി എടപ്പാടി പളനിസാമി തുടങ്ങിയവര്‍ ചേര്‍ന്ന് സ്വീകരിച്ചു.

തുടര്‍ന്ന് വ്യോമസേനയുടെ പ്രത്യേക ഹെലികോപ്റ്ററില്‍ ഈഷ യോഗ കേന്ദ്രത്തിലേക്ക് പോയി. ഇവിടെ സദ്ഗുരു ജഗിവാസുദേവുമൊന്നിച്ച് മോദി ധ്യാനലിംഗത്തില്‍ ദീപാരാധന നടത്തി. തുടര്‍ന്ന് ധ്യാനം നടത്തിയ ശേഷമാണ് പ്രതിമ അനാഛാദനകര്‍മം നിര്‍വഹിച്ചത്. വിവിധ സംസ്ഥാനങ്ങളിലെ മുഖ്യമന്ത്രിമാരും ഗവര്‍ണര്‍മാരും ഉള്‍പ്പെടെ പ്രമുഖരുടെ വന്‍നിരയാണ് ചടങ്ങിനത്തെിയത്.