ഒടുവിൽ ഭൂകമ്പം വന്നെന്ന്​ ​മോദി

ന്യൂഡൽഹി: ഒടുവിൽ ഭൂകമ്പം വന്നെന്നും ഭൂമി കൊള്ളയടിക്കപ്പെട്ടപ്പോൾ ഭൂ മാതാവ്​ കോപിച്ചെന്നും പ്രാധാനമന്ത്രി നരേന്ദ്ര ​മോദി. ഉത്തരാഖണ്ഡിലും ഡൽഹിയിലും ഉണ്ടായ നേരിയ ഭൂചലന​ത്തെ പരാമർശിക്കുകയായിരുന്നു അദ്ദേഹം. മോദിക്കെതിരായ തെളിവ്​ താൻ പുറത്ത്​ വിട്ടാൽ ഭുകമ്പം ഉണ്ടാകുമെന്ന് പറഞ്ഞ രാഹുൽ ഗാന്ധിയെ പരോക്ഷമായി പരിഹസിച്ചുകൂടിയായിരുന്നു ​പ്രധാനമന്ത്രിയുടെ മറുപടി.

അഴിമതി ​േസവനമാക്കിയവരാണ്​ കോ​ൺഗ്രസ്​.​ നോട്ട്​ നി​രോധിച്ചതിലൂടെ പതിറ്റാണ്ടുകളായി ഇന്ത്യ​യെ കൊള്ളയടിച്ചുകൊണ്ടിരുന്നതിന്​ താൻ അറുതി വരുത്തുകയായിരുന്നു. അടുത്ത നടപടിയായി ബിനാമി സ്വത്ത്​ നിയമം പരിഷ്​കരിക്കും. രാജ്യ​ത്തിന്​ പുറത്തെ കള്ളപ്പണം തിരികെ കൊണ്ടുവരും. പാർട്ടി കുടുംബ സ്വത്താക്കിയെന്നും പ്രധാനമന്ത്രി ആരോപിച്ചു.

സ്വാതന്ത്ര്യം നേടിത്തന്നത്​ ഒരു കുടുംബം അല്ല. ഒന്നാം സ്വാതന്ത്ര്യ സമര കാലത്ത്​ കോ​ൺഗ്രസ്​ രൂപീകരിച്ചിട്ട്​ പോലുമില്ല. ഇത് അവർ​ അംഗീകരിക്കണം. നോട്ട്​ നിരോധനം ശരിയായ നടപടിയെന്ന്​ തെളിഞ്ഞു. നി​രോധനത്തെ സംബന്ധിച്ച്​ സർക്കാർ തുടക്കം മ​ുതൽ ചർച്ചക്ക്​ തയ്യാറായിരുന്നു. എന്നാൽ ചർച്ചക്ക്​ പകരം ടീവിയിൽ മുഖം കാണിക്കാനാണ്​ പ്രതിപക്ഷം ​ശ്രമിച്ചത്​. ഒരു ചായക്കാര​​െൻറ മകന്​ പ്രാധാനമന്ത്രിവരെ ആകാൻ കഴിഞ്ഞു എന്നുള്ളതാണ്​ ഇന്ത്യൻ ജനാധിപത്യത്തി​​െൻറ ശക്​തി. ​ത​​െൻറ ജീവന്​ ഭീഷണിയുണ്ടെന്ന്​ പറഞ്ഞത്​ വെറുതെയല്ല. വൻ ശക്​തികൾക്കെതിരെയാണ്​ താൻ പോരാടുന്നത്​. എന്തു നേരിടാൻ തയ്യാ​റാണെന്നും മോദി പറഞ്ഞു.

ഞങ്ങൾ നായകളുടെ പരമ്പരയിൽ അല്ല ജനിച്ചതെന്ന്​​ കോൺഗ്രസ്​ ലോക്​സഭ കക്ഷി നേതാവ്​ മല്ലികാർജ്ജുൻ ഖാർഗെയുടെ പരാമർശത്തെ സൂചിപ്പിച്ച്​ മോദി പറഞ്ഞു. ഇന്ദിരാഗാന്ധി അവരുടെ ജീവിതം രാജ്യത്തിനായി സമർപ്പിച്ചപ്പോൾ ഇപ്പോഴ​ത്തെ പ്രധാനമന്ത്രിക്കോ അദ്ദേഹ​ത്തി​​െൻറ കുടുംബത്തി​ലെ ഒരു നായക്ക്​ പോലുമോ രാജ്യസ്​നേഹം അവകാശപ്പെടാനാവില്ലെന്ന്​ ഖാർഗെ കഴിഞ്ഞ ദിവസം ആരോപിച്ചിരുന്നു.

ലോക്​സഭയിൽ നന്ദിപ്രമേയ ചർച്ചക്ക്​ മറുപടി പറയുകയായിരുന്നു അദ്ദേഹം. നവംബർ എട്ടിന് ​ശേഷം ഇതാദ്യമായാണ്​ മോദി ലോക്​സഭയിൽ സംസാരിക്കുന്നത്​.

അതേസമയം പ്രകൃതി ദുരന്തങ്ങളെ ​പ്രധാനമന്ത്രി രാഷ്​ട്രീയ ലാഭത്തിനായി ഉപയോഗിക്കുകയാണെന്ന്​ കോൺഗ്രസ് പിന്നീട്​ പ്രതികരിച്ചു.
​