Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightഈസ്റ്റർ തന്ത്രവുമായി...

ഈസ്റ്റർ തന്ത്രവുമായി മോദി; അപകടം മണത്ത്​ പാർട്ടികൾ

text_fields
bookmark_border
narendra modi
cancel

ന്യൂ​ഡ​ൽ​ഹി: പ്ര​ധാ​ന​മ​ന്ത്രി​യാ​യ ശേ​ഷം ഇ​തു​വ​രെ കാ​ണി​ക്കാ​ത്ത ഈ​സ്റ്റ​ർ ന​യ​ത​ന്ത്രം പു​റ​ത്തെ​ടു​ത്ത്​ ന​രേ​ന്ദ്ര മോ​ദി. ഒ​രു​വെ​ടി​ക്ക്​ ഉ​ന്നം​വെ​ക്കു​ന്ന​ത്​ പ​ല പ​ക്ഷി​ക​ൾ. ക്രൈ​സ്ത​വ സ​ഭാ​നേ​തൃ​ത്വം മു​ന്നി​ൽ​ക്കാ​ണു​ന്ന​ത്​ ബി.​ജെ.​പി ബ​ന്ധ​ങ്ങ​ളി​ലെ മ​ഞ്ഞു​രു​ക്കം. അ​തേ​സ​മ​യം, ഈ​സ്റ്റ​ർ പൊ​ളി​റ്റി​ക്സി​ൽ അ​പ​ക​ടം മ​ണ​ത്ത്​ വി​വി​ധ പാ​ർ​ട്ടി​ക​ൾ.

ജി-20 ​ഉ​ച്ച​കോ​ടി​ക്ക്​ ആ​തി​ഥേ​യ​ത്വം വ​ഹി​ക്കാ​ൻ ഒ​രു​ങ്ങു​ന്ന​തി​നി​ട​യി​ൽ, ക്രൈ​സ്ത​വ സൗ​ഹാ​ർ​ദ സ​ന്ദേ​ശം അ​ന്താ​രാ​ഷ്ട്ര ത​ല​ത്തി​ൽ പ്ര​തി​ച്ഛാ​യ മെ​ച്ച​പ്പെ​ടു​ത്തു​മെ​ന്നാ​ണ്​ ഭ​ര​ണ​പ​ക്ഷ​ത്തെ പ്ര​തീ​ക്ഷ. മു​സ്​​ലിം വി​രോ​ധ​ത്തി​ൽ ഊ​ന്നി​യ രാ​ഷ്ട്രീ​യ​ത്തെ ക്രൈ​സ്ത​വാ​ഭി​മു​ഖ്യം​കൊ​ണ്ട്​ മ​റ​ച്ചാ​ൽ, ന്യൂ​ന​പ​ക്ഷ വി​രു​ദ്ധ​ത​യോ​ടു​ള്ള വി​മ​ർ​ശ​നം കു​റ​ഞ്ഞു​കി​ട്ടു​മെ​ന്ന ക​ണ​ക്കു കൂ​ട്ട​ലു​മു​ണ്ട്. മാ​ർ​പാ​പ്പ​യു​ടെ ഇ​ന്ത്യാ സ​ന്ദ​ർ​ശ​നം ഇ​തു​വ​രെ ന​ട​ക്കാ​തെ പോ​യ​ത്​ മോ​ദി സ​ർ​ക്കാ​ർ പു​റം​തി​രി​ഞ്ഞു​നി​ന്ന​തു കൊ​ണ്ടാ​ണ്.

ജി-20 ​ഉ​ച്ച​കോ​ടി ന​ട​ക്കു​ന്ന ഈ ​വ​ർ​ഷ​മോ ലോ​ക്സ​ഭ തെ​ര​ഞ്ഞെ​ടു​പ്പു ന​ട​ക്കേ​ണ്ട അ​ടു​ത്ത വ​ർ​ഷ​മോ മാ​ർ​പാ​പ്പ​യു​ടെ സ​ന്ദ​ർ​ശ​നം ഉ​ണ്ടാ​വാ​നി​ട​യി​ല്ല. ഇ​തി​നി​ട​യി​ൽ മാ​ർ​പാ​പ്പ​യെ ഇ​റ്റ​ലി​യി​ൽ ചെ​ന്നു​ക​ണ്ട​തും ഈ​സ്റ്റ​ർ ദി​ന​ത്തി​ലെ ഡ​ൽ​ഹി ക​ത്തീ​ഡ്ര​ൽ സ​ന്ദ​ർ​ശ​ന​വും ക്രൈ​സ്ത​വ സ​ഭ​ക്ക്​ കി​ട്ടു​ന്ന ഇ​ട​ക്കാ​ലാ​ശ്വാ​സ​മാ​ണ്.

പ​ല കാ​ര​ണ​ങ്ങ​ളാ​ൽ കേ​ന്ദ്രം ഭ​രി​ക്കു​ന്ന ക​ക്ഷി​യു​മാ​യു​ള്ള ച​ങ്ങാ​ത്ത​ത്തി​ന്​ ക്രൈ​സ്ത​വ സ​ഭാ​നേ​തൃ​ത്വം ദാ​ഹി​ക്കു​ന്ന​തി​നി​ട​യി​ലാ​ണ്​ മോ​ദി​യു​ടെ ഈ​സ്റ്റ​ർ പൊ​ളി​റ്റി​ക്സ്. കേ​ര​ള​ത്തി​നു​പു​റ​മെ പ​ല സം​സ്ഥാ​ന​ങ്ങ​ളി​ലും അ​ത്ത​ര​മൊ​രു സൗ​ഹൃ​ദം ഏ​റി​യും കു​റ​ഞ്ഞും പ്ര​യോ​ജ​ന​പ്പെ​ടു​മെ​ന്ന്​ ബി.​ജെ.​പി ക​ണ​ക്കു കൂ​ട്ടു​ക​യും ചെ​യ്യു​ന്നു. ഒ​മ്പ​തു വ​ർ​ഷ​ത്തി​നി​ട​യി​ൽ മോ​ദി ഏ​തെ​ങ്കി​ലും ​ച​ർ​ച്ചി​ൽ ക​യ​റി​ച്ചെ​ല്ലു​ന്ന​ത്​ ആ​ദ്യം.

അ​ൾ​ത്താ​ര​ക്കു​മു​ന്നി​ൽ മോ​ദി കൊ​ളു​ത്തി​യ മെ​ഴു​കു​തി​രി രാ​ഷ്ട്രീ​യ​മാ​യി ഏ​റ്റ​വും കൂ​ടു​ൽ പൊ​ള്ളി​ക്കു​ക ആ​രെ​യാ​ണെ​ന്ന വി​ല​യി​രു​ത്ത​ലു​ക​ൾ കേ​ര​ള​ത്തി​ൽ ത​കൃ​തി. കോ​ൺ​ഗ്ര​സി​നാ​ണ്​ കൂ​ടു​ത​ൽ പ​രി​ക്കേ​ൽ​ക്കു​ക​യെ​ന്നും മ​റി​ച്ച്, സി.​പി.​എ​മ്മി​ന്‍റെ സാ​ധ്യ​താ സ​മ​വാ​ക്യ​ങ്ങ​ൾ തെ​റ്റി​ക്കാ​ൻ പോ​കു​ന്ന​താ​ണ്​ ബി.​ജെ.​പി-​ക്രൈ​സ്ത​വ സൗ​ഹൃ​ദ​മെ​ന്നും വ്യ​ത്യ​സ്ത വീ​ക്ഷ​ണ​ങ്ങ​ളു​ണ്ട്.

വാ​ജ്​​പേ​യി സ​ർ​ക്കാ​റി​ന്‍റെ കാ​ല​ത്ത്​ കാ​വി​യു​ടു​ക്കാ​ൻ മു​ന്നി​ട്ടി​റ​ങ്ങി​യ​ത്​ മ​ധ്യ​കേ​ര​ള​ത്തി​ലെ ക്രൈ​സ്ത​വ​രാ​ണ്. അ​വ​രു​ടെ രാ​ഷ്ട്രീ​യം അ​ടി​സ്ഥാ​ന​പ​ര​മാ​യി കേ​ര​ള കോ​ൺ​ഗ്ര​സു​ക​ളെ ചു​റ്റി​പ്പി​ണ​ഞ്ഞാ​ണ്. കേ​ര​ള​ത്തി​ലെ ര​ണ്ടു മു​ന്ന​ണി​ക​ളെ​യും മൂ​വാ​റ്റു​പു​ഴ​യി​ൽ പി.​സി. തോ​മ​സ്​ തോ​ൽ​പി​ച്ച​തും കേ​ന്ദ്ര​മ​ന്ത്രി​യാ​യ​തും ബി.​ജെ.​പി കേ​ന്ദ്രാ​ധി​കാ​രം പി​ടി​ച്ച കാ​ല​ത്താ​ണ്.

പ​ല​വി​ധ സ​ഭാ​താ​ൽ​പ​ര്യ​ങ്ങ​ൾ മു​ന്നി​ൽ​വെ​ച്ച്​ ബി.​ജെ.​പി​യു​മാ​യി ഒ​ട്ടാ​ൻ ക്രൈ​സ്ത​വ സ​ഭാ​നേ​തൃ​ത്വം ഇ​പ്പോ​ൾ പ്ര​ക​ട​മാ​ക്കി​വ​രു​ന്ന താ​ൽ​പ​ര്യ​ത്തി​ന്​ മു​മ്പ​ത്തേ​ക്കാ​ൾ പ​ല​മ​ട​ങ്ങ്​ വീ​ര്യ​മു​ണ്ട്. കോ​ൺ​ഗ്ര​സി​ൽ പ്ര​തീ​ക്ഷ ന​ഷ്ട​പ്പെ​ടു​ന്ന​തും കേ​ന്ദ്രാ​ധി​കാ​ര​ത്തി​ന്‍റെ സ​ഹാ​യം പ​ല വി​ധ​ത്തി​ൽ സ​ഭ​ക്ക്​ ആ​വ​ശ്യ​മാ​യ​തും 2024ൽ ​വീ​ണ്ടും ബി.​ജെ.​പി വ​ന്നേ​ക്കാ​മെ​ന്ന ചി​ന്ത​യു​മാ​ണ്​ ക്രൈ​സ്ത​വ​രോ​ടു​ള്ള മു​ൻ​കാ​ല അ​തി​ക്ര​മം മ​റ​ന്ന ച​ങ്ങാ​ത്ത​ത്തി​ന്​ കാ​ര​ണം.

സ​ഭാ​നേ​തൃ​ത്വ​ത്തെ വി​ട്ടൊ​രു ക​ളി കേ​ര​ള കോ​ൺ​ഗ്ര​സു​ക​ൾ​ക്കി​ല്ല. ഇ​ത്​ സി.​പി.​എ​മ്മി​നും കോ​ൺ​ഗ്ര​സി​നു​മൊ​പ്പം നി​ൽ​ക്കു​ന്ന ഏ​തു കേ​ര​ള കോ​ൺ​ഗ്ര​സു​ക​ൾ​ക്കും ബാ​ധ​കം. മാ​ണി ഗ്രൂ​പ്പി​നെ മു​ന്ന​ണി​യി​ലെ​ടു​ത്ത്​ മ​ധ്യ​തി​രു​വി​താം​കൂ​റി​ന്‍റെ കൂ​റു​മാ​റ്റാ​ൻ സി.​പി.​എ​മ്മി​ന് ക​ഴി​ഞ്ഞ​താ​ണ്​ സ​മീ​പ​കാ​ല ച​രി​ത്രം. ബി.​ജെ.​പി​യു​ടെ പു​തി​യ തി​ര​ക്ക​ഥ​ക്ക്​ ഈ ​ചി​ത്രം മാ​റ്റാ​ൻ കെ​ൽ​പു​ണ്ട്. കേ​ന്ദ്ര​ഭ​ര​ണ​വു​മാ​യി ഉ​റ്റ​ബ​ന്ധം സ്ഥാ​പി​ക്കാ​ൻ സ​ഭാ​നേ​തൃ​ത്വം നേ​രി​ട്ടാ​ണ്​ മു​ന്നി​ട്ടി​റ​ങ്ങി​യി​ട്ടു​ള്ള​ത്.

ഇ​തി​ന്‍റെ പു​രോ​ഗ​തി​ക്കൊ​ത്ത്​ കേ​ര​ള കോ​ൺ​ഗ്ര​സു​ക​ളു​ടെ കാ​ഴ്ച​പ്പാ​ടു​ക​ളി​ൽ ചാ​ഞ്ചാ​ട്ട​മു​ണ്ടാ​യാ​ൽ മു​ന്ന​ണി ബ​ന്ധ​ങ്ങ​ൾ മാ​റ്റ​മു​ണ്ടാ​യെ​ന്നു വ​രാം. കേ​ന്ദ്ര​മ​ന്ത്രി​പ​ദം കേ​ര​ള കോ​ൺ​ഗ്ര​സു​ക​ളു​ടെ സ്വ​പ്ന​വു​മാ​ണ്. മു​സ്​​ലിം​ക​ൾ​ക്കെ​തി​രാ​യ ‘ക്രി​സം​ഘി’ പ്ര​ചാ​ര വേ​ല​ക​ളെ സ​ഭാ​ധ്യ​ക്ഷ​രി​ൽ ചി​ല​ർ​ത​ന്നെ പി​ന്തു​ണ​ക്കു​ന്ന​തും​ ക്രൈ​സ്ത​വ-​മു​സ്​​ലിം ഭി​ന്ന​ത​ക്ക്​ ആ​ക്കം കൂ​ട്ടി​യ​തും ബി.​ജെ.​പി​യു​ടെ കേ​ര​ള താ​ൽ​പ​ര്യ​ങ്ങ​ൾ​ക്ക്​ ഉ​ത്തേ​ജ​ന​മാ​ണ്.

അ​തേ​സ​മ​യം, ക്രൈ​സ്ത​വ ച​ങ്ങാ​ത്തം വ​ട​ക്കെ ഇ​ന്ത്യ​ൻ സം​സ്ഥാ​ന​ങ്ങ​ളി​ലെ സ്വ​ന്തം വോ​ട്ടു​ബാ​ങ്കി​ൽ പ്ര​ശ്ന​മു​ണ്ടാ​ക്കു​മെ​ന്ന ആ​ശ​ങ്ക ബി.​ജെ.​പി​യി​ലു​ണ്ട്. ഹി​ന്ദു​ത്വ ആ​ശ​യ​ധാ​ര​യെ മോ​ദി പ്രീ​ണ​ന​ത്തി​ൽ മു​ക്കി​യെ​ന്നാ​ണ്​ ബി.​ജെ.​പി നേ​താ​വ്​ സു​ബ്ര​ഹ്​​മ​ണ്യ​ൻ സ്വാ​മി​യു​ടെ ക​മ​ന്‍റ്.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS: Narendra ModiStrategy
News Summary - Modi with Easter strategy-Parties smell danger
Next Story