'മൻമോഹൻ ജി വേഗം സുഖമാക​ട്ടെ' ആശ്വസിപ്പിച്ച്​ മോദി

ന്യൂഡൽഹി: ​േകാവിഡ്​ ബാധിച്ച മുൻപ്രധാനമന്ത്രി മൻമോഹൻ സിങ്ങിനെ ആശ്വസിപ്പിച്ച് പ്രധാനമന്ത്രി​ ന​േരന്ദ്രമോദി. പൂർണാരോഗ്യത്തോടെ വേഗം സുഖമാക​ട്ടെ എന്ന്​ മോദി ട്വിറ്ററിൽ കുറിച്ചു.

പനി ഉണ്ടായതിനെ തുടർന്ന്​ തിങ്കളാഴ്​ച വൈകിട്ട്​ അഞ്ചു മണിയോടെയാണ്​ മൻമോഹൻസിങ്ങിനെ ആശുപത്രിയിലേക്ക്​ മാറ്റിയത്​. കോവിഡ്​ സ്ഥികരിച്ച മൻമോഹൻ സിങ്ങിനെ​ ഡൽഹിയിലെ ഓൾ ഇന്ത്യ മെഡിക്കൽ സയൻസസ്​ ഇൻസ്​റ്റിറ്റ്യൂട്ടിൽ പ്രവേശിപ്പിച്ചിരിക്കുകയാണ്​. ട്രോമ കെയർ സെൻററിലാണ്​ അദ്ദേഹം ഇപ്പോൾ ഉള്ളത്​.

ശനിയാഴ്​ച സോണിയ ഗാന്ധി വിളിച്ച കോൺഗ്രസ്​ പ്രവർത്തക സമിതിയുടെ വീഡിയോ കോൺഫറൻസ്​ യോഗത്തിൽ മൻമോഹൻസിങ്​ പ​ങ്കെടുത്തിരുന്നു. പ്രവർത്തക സമിതിയുടെ നിർദേശങ്ങൾ അടങ്ങുന്ന കത്ത്​ ഞായറാഴ്​ച​ പ്രധാനമന്ത്രി നരേന്ദ്രമോദിക്ക്​ അദ്ദേഹം അയച്ചിരുന്നു.

Wishing our former Prime Minister, Dr. Manmohan Singh Ji good health and a speedy recovery.

— Narendra Modi (@narendramodi) April 19, 2021