‘മോദിജിയുടെ സേന’ പരാമർശം: സായുധ സേന വ്യക്​തിയുടെയോ രാഷ്​ട്രീയ പാർട്ടിയുടെയോ അല്ലെന്ന്​ നാവിക സേന മുൻ മേധാവി

ന്യൂഡൽഹി: പ്രധാനമന്ത്രി ‘മോദിജിയുടെ സൈന്യം’ എന്ന ഉത്തർപ്രദേശ്​ മുഖ്യമന്ത്രി യോഗി ആദിത്യ നാഥി​​െൻറ പരാമർശത്തിനെതിരെ നാവിക സേന മുൻ മേധാവി എൽ. രാംദാസ്​ മുഖ്യതെര​െഞ്ഞടുപ്പ്​ കമീഷണർ സുനിൽ അറോറക്ക്​ പരാതി നൽകി. സായുധ സേന വ്യക്​തിയുടെയും രാഷ്​ട്രീയ പാർട്ടിയുടെയും സ്വകാര്യ സേനയ​െല്ലന്നും കത്തിൽ വ്യക്​തമാക്കി​. തീർത്തും തെറ്റായ പരാമർശമാണിത്​. രാഷ്​​്ട്രീയ പാർട്ടികൾ സൈന്യത്തെ രാഷ്​ട്രീയവത്​കരിക്കുന്നത്​ വർധിച്ചുവരുന്നതിൽ ഉത്​കണ്​ഠ രേഖപ്പെടുത്തി കഴിഞ്ഞ മാസവും രാംദാസ്​ തെര​െഞ്ഞടുപ്പ്​ കമീഷനെ സമീപിച്ചിരുന്നു.

ഗാസിയാബാദിൽ ഞായറാഴ്​ച ബി.ജെ.പി തെര​െഞ്ഞടുപ്പ്​ റാലിയിലാണ്​ ആദിത്യ നാഥി​​െൻറ​ വിവാദ പ്രസ്​താവന​. ഭീകരർക്ക്​ കോൺഗ്രസ്​ ‘ബിരിയാണി ’വിളമ്പ​ുേമ്പാൾ മോദിജിയുടെ ​​ൈസന്യം ​െവടിയുണ്ടയും ബോംബും കൊണ്ടാണ്​ അവരെ കൈകാര്യം ചെയ്യുന്ന​തെന്ന്​ ആദിത്യ നാഥ്​ പ്രസംഗിച്ചതിനെതിരെ പ്രതിപക്ഷം ശക്​തമായി രംഗത്തു വന്നിട്ടുണ്ട്​. പ്രസംഗത്തെക്കുറിച്ച്​ ഉത്തർപ്രദേശ്​ മുഖ്യ തെരഞ്ഞെടുപ്പ്​ ഓഫിസർ ജില്ല അധികാരി കൂടിയായ കലക്​ടറോട്​ റിപ്പോർട്ട്​ ആവശ്യപ്പെട്ടു.

ഇന്ത്യൻ ​ൈസന്യത്തെ ആദിത്യ നാഥ്​ പരിഹസിക്കുകയാണെന്ന്​ പശ്ചിമ ബംഗാൾ മുഖ്യമ​ന്ത്രി മമത ബാനർജി പറഞ്ഞു. സൈന്യത്തെ മോദിയുടെ സേനയാക്കിയ ആദിത്യ നാഥ്​ മാപ്പുപറയണമെന്ന്​ കോൺഗ്രസ്​ വക്​താവ്​ പ്രിയങ്ക ചതുർവേദി ആവശ്യ​െപ്പട്ടു.