Top
Begin typing your search above and press return to search.
exit_to_app
exit_to_app
Pranab on Modi
cancel
Homechevron_rightNewschevron_rightIndiachevron_rightലോക നേതാക്കളുമായി...

ലോക നേതാക്കളുമായി ബന്ധം പെരുപ്പിച്ചുകാട്ടുന്നു; മോദിയെ വിമർശിച്ച്​ പ്രണബ്​ മുഖർജിയുടെ ആത്​മകഥ

text_fields
bookmark_border


ലോക നേതാക്കളുമായി ബന്ധം പെരുപ്പിച്ചുകാട്ടുകയാണ്​ പ്രധാനമന്ത്രി നരേന്ദ്ര മോദിയെന്നും പകരം പാർലമെന്‍റിൽ കൂടുതൽ സമയം ചെലവഴിക്കുകയാണ്​ അദ്ദേഹം വേ​ണ്ടതെന്നും​ കുറ്റപ്പെടുത്തി അന്തരിച്ച മുൻ രാഷ്​ട്രപതി പ്രണബ്​ മുഖർജിയ​ുടെ ആത്​മകഥ വായനക്കാരി​െലത്തി. നവാസ്​ ശരീഫിനെ ലാഹോറിലെത്തി കണ്ടത്​ അനാവശ്യവും അസ്​ഥാനത്തുമായെന്നും പ്രണബ്​ പുസ്​തകത്തിൽ കുറ്റപ്പെടുത്തുന്നു.

ആത്​മകഥയുടെ നാലാം വാള്യമായ The Presidential Years: 2012-2017 ചൊവ്വാഴ്ചയാണ്​ പുറത്തിറങ്ങിയത്​. കഴിഞ്ഞ വർഷം ആഗസ്റ്റ്​ 31ന്​ വിടപറയുംമുമ്പ്​ പുസ്​തകത്തിന്‍റെ കരടിന്​ അദ്ദേഹം അന്തിമാനുമതി നൽകിയിരുന്നു.

'വ്യക്​തിഗത സൗഹൃദങ്ങൾ പറയുന്നത്​ ഞാൻ ശക്​തമായി വിമർശിക്കുന്നു. കാരണം സൗഹൃദം രാജ്യങ്ങൾ തമ്മിലാണ്​. അത്തരം പ്രത്യേക സൗഹൃദങ്ങളിൽ എന്തെങ്കിലും കാര്യമുണ്ടെന്ന വിശ്വാസം എനിക്കില്ല''- പുസ്​തകത്തിലെ വരികൾ ഇങ്ങനെ പോകുന്നു. ബംഗാളിൽനിന്നായിട്ടും ബംഗ്ലദേശിനോട്​ താൻ പുലർത്തിയ ബന്ധം പോലും രാഷ്​ട്രീയമായിരുന്നുവെന്ന്​ പ്രണബ്​ അനുബന്ധമായി പറയുന്നുണ്ട്​.

2015ൽ ക്ഷണിക്കാത്ത അതിഥിയായി ലാഹോറിൽ പറന്നിറങ്ങി അന്നത്തെ പാക്​ പ്രധാനമന്ത്രി നവാസ്​ ശരീഫിനെ

മോദി കണ്ടത്​ അനാവശ്യമായിരുന്നുവെന്ന്​ ഖണ്ഡിതമായി പറയുന്നു, പുസ്​തകം.

'ഏകാധിപത്യപരം, എതിർക്കുന്നവർക്ക്​ ചെവി കൊടുക്കണം'

ഏകാധിപത്യമനസ്സോടെയാണ്​ മോദിയുടെ പ്രവർത്തനമെന്നും എതിർക്കുന്നവരുടെ വാക്കുകൾക്ക്​ ചെവി കൊടുക്കാൻ അദ്ദേഹം തയാറാകണമെന്നും പ്രണബ്​ ആവശ്യപ്പെടുന്നുണ്ട്​. ആദ്യ അഞ്ചു വർഷം കൂടുതൽ ഏകാധിപത്യ മന​സ്സ്​ പ്രകടമാക്കിയെന്നും കുറ്റപ്പെടുത്തലുണ്ട്​. ജവഹർലാൽ നെഹ്​റു, ഇന്ദിര ഗാന്ധി, അടൽ ബിഹാരി വാജ്​പെയ്​, സിങ്​ തുടങ്ങിയവരെ മോദി മാതൃകയാക്കാനും ഉപദേശിക്കുന്നു.

മൻമോഹൻ കാലത്തെ കുറിച്ച്​ പറയു​േമ്പാൾ, നല്ല ഭരണം കാഴ്ചവെക്കേണ്ട നേര​ത്ത്​ യു.പി.എ സഖ്യം നിലനിർത്താനുള്ള ഓട്ടത്തിലായിരുന്നു അദ്ദേഹമെന്നാണ്​ വാക്കുകൾ. തനിക്ക്​ കൂടുതൽ സജീവ രാഷ്​ട്രീയത്തിൽ നിലനിൽക്കാൻ സാധിച്ചിരു​ന്നുവെങ്കിൽ കോൺഗ്രസിന്​ അധികാരം പോകില്ലായിരുന്നുവെന്നുകൂടി പറയുന്നു.

Show Full Article
TAGS:Pranab Mukharjee Autobiography Modi 
News Summary - Modi plays up personal equations with world leaders -Pranab Mukherjee in autobiography
Next Story