മോദിക്ക്​ താത്​പര്യം പ്രധാനമന്ത്രി ആയിരിക്കാൻ മാത്രം -രാഹുൽ

ന്യൂഡൽഹി: ‘ഭരണഘടന സംരക്ഷിക്കുക’ എന്ന മുദ്രാവാക്യം ഉയർത്തി കേന്ദ്ര സർക്കാറിനെതിരെ രാജ്യവ്യാപക കാമ്പയിന്​ തുടക്കമിട്ട്​ കോൺഗ്രസ്​. താനുമായി സംവാദത്തിന്​ വന്നാൽ മോദിയെ തുറന്നുകാട്ടും. മോദിക്ക്​ മോദിയിൽ മാത്രമാണ്​ താൽപര്യമെന്നും​ കാമ്പയിൻ ഉദ്​ഘാടനം ചെയ്​തുകൊണ്ട്​ കോ​ൺഗ്രസ്​ അധ്യക്ഷൻ രാഹുൽ ഗാന്ധി പറഞ്ഞു. ഡൽഹിയിലെ തൽകോത്തറ സ്​​േറ്റഡിയത്തിൽ നടന്ന ചടങ്ങിൽ ആയിരങ്ങളാണ്​ പ​െങ്കടുത്തത്​. ഏപ്രിൽ 14വരെയാണ്​ കാമ്പയിൻ. 

രാജ്യത്തെ ദലിതരെ കടന്നാക്രമിക്കുന്ന കേന്ദ്ര സർക്കാർ നയങ്ങൾക്കെതിരെ വോട്ടിലൂടെ തിരിച്ചടി നൽകണമെന്നും രാഹുൽ ആഹ്വാനം ചെയ്​തു. രാജ്യത്തെ പ്രശ്നങ്ങൾ പരിഹരിക്കുന്നതിലല്ല, സ്വന്തം കാര്യത്തിൽ മാത്രമാണ് നരേന്ദ്ര മോദിക്ക് താൽപര്യം. എം.പിമാരും എം.എൽ.എമാരും ഒന്നും സംസാരിക്കരുതെന്നാണ്​ മോദി പറയുന്നത്​. എല്ലാവരും മോദിയുടെ ‘മൻകി ബാത്ത്​’ മാത്രം കേട്ടാൽ മതി. ‘ബേട്ടി പഠാവോ, ബേട്ടി ബച്ചാവോ’ എന്ന കാമ്പയിനിലൂടെ സർക്കാർ അർഥമാക്കുന്നത്​ ‘ബി.​െജ.പി എം.എൽ.എമാരിൽനിന്നും പെൺകുട്ടികളെ രക്ഷിക്കൂ’ എന്നാണോ എന്നും രാഹുൽ പരിഹസിച്ചു. ദലിതർ, ന്യൂനപക്ഷം, സ്​​ത്രീകൾ, പാർശ്വവൽകരിക്കപ്പെട്ടവർ, കുട്ടികൾക്കെതിരെയുള്ള പീഡനങ്ങൾ തുടങ്ങി വിഷയങ്ങളിലെല്ലാം മോദി മൗനം തുടരുകയാണ്​.

ബി.ജെ.പി എത്ര പരിശ്രമിച്ചാലും ഭരണഘടന മാറ്റാൻ സമ്മതിക്കില്ല. റാഫേൽ ഇടപാടിലും നീരവ്​ മോദി വിഷയത്തിലും മോദിക്ക്​ ഒന്നും പറയാനില്ല. മോദി തകർക്കുന്നത്​ ഇന്ത്യയുടെ അന്തസാണ്​. ആർ.എസ്​.എസ്​ ചിന്താഗതിക്കാരെ ഭരണഘടന സ്​ഥാപനങ്ങളുടെ തലപ്പത്ത്​ നിയമിച്ച്​ അവ തകർക്കുകയാണ്​. സുപ്രീംകോടതിയെ തകർക്കുകയാണ്​. പാർലമ​​െൻറ്​ അടച്ചുപൂട്ടുകയാണ്​. രാജ്യത്ത്​ ആദ്യമായാണ്​ നാല്​ മുതിർന്ന ജഡ്​ജിമാർ പത്രസമ്മേളനം വിളിച്ച്​ ജന​ങ്ങളോട്​ നീതി തേടിയതെന്നും രാഹുൽ ഗാന്ധി പറഞ്ഞു. 

കഴിഞ്ഞ മാസം ഡൽഹിയിൽ നടന്ന ​േ​കാൺഗ്രസ്​ പ്ലീനറിയിൽ പ്രഖ്യാപിച്ചതാണ്​ കാമ്പയിൻ. ഇതിന്​ മുന്നോടിയായി ​പ്രാദേശിക ഭാഷകളിൽ അടക്കം​ അഞ്ച്​ വ്യത്യസ്​ത കൈപുസ്​തകങ്ങൾ തയാറാക്കുകയും ചെയ്​തിരുന്നു.