Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightഷഹീൻബാഗിലെ...

ഷഹീൻബാഗിലെ പ്രതിഷേധക്കാരുമായി സംസാരിക്കാൻ തയാർ - രവിശങ്കർ പ്രസാദ്​

text_fields
bookmark_border
ഷഹീൻബാഗിലെ പ്രതിഷേധക്കാരുമായി സംസാരിക്കാൻ തയാർ - രവിശങ്കർ പ്രസാദ്​
cancel

ന്യൂഡൽഹി: പൗരത്വ ഭേദഗതി നിയമത്തിനെതിരെ ഷഹീൻ ബാഗിൽ പ്രതിഷേധസമരം നടത്തുന്നവരുമായി കേന്ദ്രസർക്കാർ ചർച്ചക്ക്​ തയാറാ​ണെന്ന്​ നിയമ-പാർലമ​െൻററികാര്യമന്ത്രി രവിശങ്കർ പ്രസാദ്​. മോദി സർക്കാർ ഷഹീൻബാഗിലെ പ്രതിഷേധക്കാരുമായി സംസാരിക്കാൻ തയാറാണെന്നും പൗരത്വ ഭേദഗതി നിയമത്തിൽ അവർക്കുള്ള സംശയങ്ങൾ ദൂരീകരിക്ക​ുമെന്നും രവിശങ്കർ പ്രസാദ്​ ട്വിറ്ററിലൂടെ അറിയിച്ചു.
എന്നാൽ ചർച്ച പ്രത്യേക ഘടനക്കുള്ളിൽ നിന്ന്​ മാത്രമേ നടക്കൂയെന്നും മന്ത്രി വ്യക്തമാക്കി.

പൗരത്വ ഭേദഗതി നിയമം, എൻ.പി.ആർ, എൻ.ആർ.സി എന്നിവക്കെതിരായ ഷഹീൻ ബാഗിലെ പ്രതിഷേധം 45 ദിവസം പിന്നിട്ടു. സ്​ത്രീകളുടെ നേതൃത്വത്തിൽ ശക്തിയാർജ്ജിച്ചു കൊണ്ടിരിക്കുന്ന സമരം ഡൽഹി നിയമസഭ തെരഞ്ഞെടുപ്പിൽ നിർണയാകമാകുമെന്ന അവസ്ഥയിലാണ്​ പ്രതികരിക്കാൻ കേന്ദ്രമന്ത്രി തയാറായിരിക്കുന്നത്​.

"സർക്കാർ ഷഹീൻ ബാഗിലെ പ്രതിഷേധക്കാരുമായി സംസാരിക്കാൻ തയാറാണ്​. എന്നാൽ അത്​ ഘടനാപരമായ രൂപത്തിൽ ആയിരിക്കണം. അങ്ങനെയെങ്കിൽ നരേന്ദ്രമോദി സർക്കാർ അവരുമായി ആശയവിനിമയം നടത്തുകയും സി.എ.എക്കെതിരായുള്ള അവരുടെ സംശയങ്ങൾ ദൂരീകരിക്കുകയും ചെയ്യും’’- രവിശങ്കർ പ്രസാദ്​ വ്യക്തമാക്കി. ഇന്ന്​ രാവിലെയാണ്​ നിയമമന്ത്രി ഇക്കാര്യം അറിയിച്ചിരിക്കുന്നത്​. എന്നാൽ ഇതുവരെ ഷഹീൻബാഗ്​ പ്രതിഷേധക്കാൻ പ്രതികരിച്ചിട്ടില്ല.

Show Full Article
TAGS:CAA protest PM Modi Shaheen Bagh protesters CAA ravi shankar prasad india news 
News Summary - Modi govt ready to talk to Shaheen Bagh protestors- Ravi Shankar Prasad - India news
Next Story