മാധ്യമ വിലക്കിൽ പ്രധാനമന്ത്രി ആശങ്കയറിയിച്ചു, പിഴവുണ്ടെങ്കിൽ തിരുത്തും - പ്രകാശ്​ ജാവദേക്കർ

ന്യൂഡൽഹി: മീഡിയവണിനും ഏഷ്യാനെറ്റ്​ ന്യൂസിനും വിലക്ക്​ ഏർപ്പെടുത്തിയ സംഭവത്തിൽ പ്രധാനമന്ത്രി ആശങ്കയറിയിച്ചെന്ന്​ കേന്ദ്ര വാർത്ത വിനിമയ മന്ത്രി പ്രകാശ്​ ജാവദേക്കർ. മാധ്യമവിലക്കിനെക്കുറിച്ച്​ അന്വേഷണം നടത്തി തുടർനടപടിയെടുക്കും. പിഴവ് സംഭവിച്ചിട്ടുണ്ടെങ്കിൽ തിരുത്തുമെന്നും മാധ്യമസ്വാതന്ത്ര്യം ജനാധിപത്യത്തിന്​ അനിവാര്യമാണെന്നും മന്ത്രി അഭിപ്രായപ്പെട്ടു.

വ​ട​ക്കു​കി​ഴ​ക്ക​ൻ ഡ​ൽ​ഹി​യി​ൽ അ​ര​ങ്ങേ​റി​യ വ​ം​ശീ​യാ​തി​ക്ര​മം പക്ഷപാതപരമാ​യി റി​പ്പോ​ർ​ട്ടു​ചെ​യ്​​തെ​ന്നാ​രോ​പി​ച്ചാണ്​​ മീ​ഡി​യ​വ​ൺ, ഏ​ഷ്യാ​നെ​റ്റ്​ ന്യൂ​സ്​ ചാ​ന​ലു​ക​ളു​ടെ സം​പ്രേ​ക്ഷ​ണം​ 48 മ​ണി​ക്കൂ​ർ കേന്ദ്ര വാർത്ത വിതരണ മന്ത്രാലയം വി​ല​ക്കിയത്​. എന്നാൽ പ്രതിഷേധം ശക്തമായതോടെ ചാനലുകളു​ടെ വിലക്ക്​ നീക്കുകയായിരുന്നു.