കൂടുതൽ വൈദ്യുതി ഉപയോഗിക്കുന്നവർക്ക്​ നിരക്കിൽ ഇളവ്​

ന്യൂഡൽഹി: കൂടുതൽ വൈദ്യുതി ഉപയോഗിക്കുന്നവരിൽ നിന്ന്​ കുറഞ്ഞ നിരക്ക്​ ഇൗടാക്കാൻ കേന്ദ്രസർക്കാർ ഒരുങ്ങുന്നു. രാജ്യത്തെ ​െവെദ്യുതി ഉൽപാദനത്തിൽ വർധന രേഖപ്പെടുത്തിയതിന്​ തുടർന്നാണ്​ നടപടി. കൂടുതൽ വൈദ്യുതി ഉപയോഗിക്കുന്നവരിൽ നിന്ന്​ അധിക നിരക്ക്​ ഏർപ്പെടുത്തുന്ന രീതിയാണ്​ ഇപ്പോൾ നിലവിലുള്ളത്​. ഇൗ രീതിയിൽ മാറ്റം വരുത്താനുള്ള സാധ്യതകളാണ്​ കേന്ദ്ര സർക്കാർ പരിശോധിക്കുന്നത്​.

വൈദ്യുതി ഉൽപാദനം കുറഞ്ഞ സാഹചര്യത്തിലാണ്​ അധിക ഉപയോഗത്തിന്​ കൂടുതൽ തുക ഇടാക്കിയിരുന്നത്​. എന്നാൽ ഇപ്പോൾ വൈദ്യുതി ഉൽപാദനം വർധിച്ചിട്ടുണ്ട്​​. ഇൗ സാഹചര്യത്തിൽ നിലവിലെ രീതി തുടരേണ്ടെന്നാണ്​ ഇതുസംബന്ധിച്ച പഠനം നടത്തിയ കമ്മറ്റിയുടെ അഭിപ്രായം. കമ്മറ്റിയുടെ റിപ്പോർട്ട്​ ജനുവരി അവസാനത്തോടെ കേന്ദ്രസർക്കാറിന്​ സമർപ്പിക്കും.

സെന്‍ട്രല്‍ ഇലക്ട്രിസിറ്റി അതോറിറ്റി ചെയര്‍മാന്‍, സെന്‍ട്രല്‍ ഇലക്ട്രിസിറ്റി റെഗുലേറ്ററി കമീഷന്‍ സെക്രട്ടറി, ഫിക്കി പ്രസിഡൻറ്​, ബിഹാര്‍, തമിഴ്‌നാട് എന്നീ സംസ്​ഥാനങ്ങളിലെ വൈദ്യുതി സെക്രട്ടറിമാർ, മധ്യപ്രദേശ്​, ഗുജറാത്ത്​, ഉത്തർപ്രദേശ്​ എന്നിവിടങ്ങളിലെ പ്രിൻസിപ്പൽ എനർജി സെക്രട്ടറിമാർ എന്നിവരടങ്ങുന്നതാണ്​ സമിതി.