മോദി സർക്കാർ ഇന്ത്യയുടെ സത്ത നശിപ്പിക്കുന്നു -സോണിയ

ന്യൂഡൽഹി: ഇന്ത്യയുടെ സത്ത നശിപ്പിക്കുകയാണ്​ നരേന്ദ്ര മോദി സർക്കാർ ചെയ്യുന്നതെന്നും നാണം കെട്ട കാമ്പയിനുകളിലൂടെ രാജ്യത്തെ ഇടുങ്ങിയ കാഴ്​ചപ്പാടുകളിലേക്ക്​ തിരിച്ചുനടത്തുകയാണെന്നും കോൺഗ്രസ്​ അധ്യക്ഷ സോണിയ ഗാന്ധി . ന്യൂഡൽഹി അക്​ബർ റോഡിലെ എ.െഎ.സി.സി ആസ്​ഥാനത്ത്​ കോൺഗ്രസ്​ പ്രവർത്തക സമിതിയിൽ സംസാരിക്ക​ുകയായിരുന്നു അവർ. 

മോദി സർക്കാർ മൂന്നുവർഷം തികച്ചതോടെ സൗഹാർദം ഭിന്നതക്കും സഹിഷ്​ണുത ​പ്രകോപനത്തിനും കശ്​മീർ​പോലുള്ള ഇടങ്ങളിലുണ്ടായിരുന്ന ശാന്തത സംഘർഷത്തിനും വഴിമാറി. ശിക്ഷ നടപ്പാക്കുന്ന ആൾക്കൂട്ടങ്ങൾ വ്യാപിക്കുകയും കേന്ദ്ര സർക്കാറുമായി ഇൗ ആൾക്കൂട്ടങ്ങൾ ആദർ​ശപരമായ ബന്ധം കാത്തുസൂക്ഷിക്കുകയും ചെയ്യുന്നു.  2019ലെ ​െതരഞ്ഞെടുപ്പ്​ അതിവേഗം അടുത്തുവരുന്നതിനാൽ രാജ്യത്തി​​​െൻറ സത്ത സംരക്ഷിക്കുകയെന്നത്​ പ്രധാനമാണ്​. ഭരിക്കുന്ന സർക്കാർ അതിനെ നശിപ്പിക്കണമെന്നാണ്​ ആഗ്രഹിക്കുന്നത്​.

സർക്കാറുമായി അടുത്ത ബന്ധമുള്ള ഏതാനും പേർ നാടകീയമായി സമ്പത്തുണ്ടാക്കുന്നു.  നിയമത്തി​​​െൻറ പിടിയിൽനിന്ന്​ രക്ഷപ്പെടാൻ പലരും നാടുവിടുകയും ചെയ്യുന്നു. ഭിന്നിപ്പിക്കുന്ന അജണ്ട ജമ്മു^കശ്​മീരി​​​െൻറ കാര്യത്തിൽ  സർക്കാറി​​​െൻറ പൂർണ പരാജയമായിരിക്കുന്നു. കറൻസി നിരോധനത്തെ തുടർന്ന്​ ബാങ്കുകളിൽ തിരികെയെത്തിയത്​ എത്ര രൂപയാണെന്ന്​ പറയാൻപോലും സർക്കാറിന്​ കഴിയുന്നില്ല. റിസർവ്​ ബാങ്കിന്​ പണമെണ്ണാൻ കഴിയാതിര​ുന്നതുകൊണ്ടല്ല , യഥാർഥ കണക്ക്​ വന്നാൽ കറൻസി നിരോധനം പരാജയമാണെന്ന്​  തെളിയുമെന്നും സോണിയ പറഞ്ഞു. 

കറൻസി നിരോധനം രാജ്യത്തി​​​െൻറ സാമ്പത്തിക വളർച്ച​ താ​േഴക്ക്​ കൊണ്ടുപോകുമെന്ന മൻമോഹൻ സിങ്ങി​​​െൻറ ദീർഘവീക്ഷണം ഏറ്റവുമൊടുവിൽ വന്ന വളർച്ചനിരക്കുകൾ തെളിയിച്ചുവെന്നും അവർ കൂട്ടിച്ചേർത്തു.