മോദി സർക്കാർ സകല പരിധികളും ലംഘിച്ചു -മൻമോഹൻ സിങ്​

ന്യൂഡൽഹി: മോദി സർക്കാർ സകല പരിധികളും ലംഘിച്ചുവെന്ന്​ മുൻ പ്രധാനമന്ത്രി മൻമോഹൻ സിങ്​. പ്രതിപക്ഷ കക്ഷികൾ ആഹ്വാനം ചെയ്​ത ഭാരത്​ ബന്ദിനോടനുബന്ധിച്ചു നടത്തിയ​ പ്രതിഷേധ പരിപാടിയിൽ സംസാരിക്കവെയാണ്​ അദ്ദേഹം കേന്ദ്ര സർക്കാറിനെതിരെ ആഞ്ഞടിച്ചത്​.

രാജ്യതാത്​പര്യത്തിന്​ എതിരായ കാര്യങ്ങളാണ്​ മോദി സർക്കാർ ​െചയ്യുന്നത്​. കർഷകരെ സഹായിക്കുന്നതിൽ സർക്കാർ സമ്പൂർണ പരാജയമാണ്​. രാജ്യത്തി​​െൻറ ​െഎക്യവും സമാധാനവും നിലനിർത്താൻ യു.പി.എ സർക്കാർ നടപടി സ്വീകരിച്ചിരുന്നെന്നും മൻമോഹൻ സിങ്​ പറഞ്ഞു.

കോൺഗ്രസി​​െൻറ നേതൃത്വത്തിൽ 21 പ്രതിപക്ഷ പാർട്ടികളാണ്​ ഇന്ധന വില വർധനവിനെതിരെ പ്രതിഷേധവുമായി ഭാരത്​ ബന്ദിൽ പ​െങ്കടുക്കുന്നത്​. ഡൽഹിയിൽ നടന്ന പ്രതിഷേധത്തിന്​ രാഹുൽ ഗാന്ധി നേതൃത്വം നൽകി.