'ഞാൻ പ്രധാനമന്ത്രി നരേന്ദ്ര മോദി'; പരിഹാസവുമായി രാഹുൽ

ന്യൂഡൽഹി: മോദി ആപ്പിൽ നിന്ന് വിവരങ്ങൾ ചോർന്നതിനെ വിമർശിച്ചും പ്രധാനമന്ത്രി നരേന്ദ്ര മോദിയെ പരിഹസിച്ചും കോൺഗ്രസ് അധ്യക്ഷൻ രാഹുൽ ഗാന്ധി. ആപ്പിൽ കയറുന്നവരുടെ വിവരങ്ങൾ മോദി അമേരിക്കയിലെ സുഹൃത്തുക്കൾക്ക് ചോർത്തി കൊടുക്കുമെന്ന് രാഹുൽ കുറ്റപ്പെടുത്തി. ചോർത്തൽ വിവരം മൂടിവെക്കാനും നീക്കം നടക്കുന്നുവെന്നും രാഹുൽ ആരോപിച്ചു. പ്രധാനമന്ത്രിയുെട പേരിൽ ട്വീറ്റ് ചെയ്താണ് മോദിയെ രാഹുൽ പരിഹസിച്ചത്. 

'എന്‍റെ പേര് നരേന്ദ്ര മോദി, ഞാൻ ഇന്ത്യൻ പ്രധാനമന്ത്രിയാണ്. എന്‍റെ ഔദ്യോഗിക ആപ്പിൽ രജിസ്റ്റർ ചെയ്താൽ നിങ്ങളുടെ എല്ലാ വിവരങ്ങളും അമേരിക്കൻ കമ്പനികളിലെ സുഹൃത്തുക്കൾക്ക് ഞാൻ കൈമാറും. പതിവുപോലെ നിർണായകമായ ഈ വാർത്തയും മുക്കിയതിന് മുഖ്യധാര മാധ്യമങ്ങൾക്ക് നന്ദി' -രാഹുൽ ട്വീറ്റ് ചെയ്തു.

ഫ്രഞ്ച് സെക്യൂരിറ്റി റിസർച്ചർ എലിയറ്റ് ഒാൾട്ടേഴ്സൻ ആണ് മോദി ആപ്പിലെ വിവരങ്ങൾ ചോർത്തുന്നുവെന്ന വിവരം പുറത്തുവിട്ടത്. മോദി ആപ്പിൽ രജിസ്റ്റർ ചെയ്യുമ്പോൾ രജിസ്റ്റർ ചെയ്ത ആളുടെ പേരടക്കമുള്ള വിവരങ്ങൾ അമേരിക്കയിലെ ഒരു കമ്പനിയിലേക്ക് പോകുന്നുവെന്നാണ് ഒാൾട്ടേഴ്സൻ ചൂണ്ടിക്കാട്ടിയത്. അമേരിക്കൻ കമ്പനി ഈ വിവരങ്ങൾ ഏതാണ് സോഫ്റ്റ് വെയർ, ഏതാണ് നെറ്റ് വർക്, എന്താണ് തൊഴിൽ എന്നിവടയടക്കമുള്ള വിവരങ്ങൾ ചോർത്തുന്നത്. എന്തിന് ശേഖരിക്കുന്നുവെന്ന വിവരം മനസിലാകുന്നില്ല. വിദേശ കമ്പനി വിവരം ശേഖരിക്കുന്ന വിവരം മറച്ചുവെച്ചതെന്നും ഒാൾട്ടേഴ്സൻ വ്യക്തമാക്കിയിരുന്നു. 

Hi! My name is Narendra Modi. I am India's Prime Minister. When you sign up for my official App, I give all your data to my friends in American companies.

Ps. Thanks mainstream media, you're doing a great job of burying this critical story, as always.https://t.co/IZYzkuH1ZH

— Rahul Gandhi (@RahulGandhi) March 25, 2018

അ​മേ​രി​ക്ക​ൻ പ്ര​സി​ഡ​ൻ​റ്​​ തെ​ര​ഞ്ഞെ​ടു​പ്പി​ൽ വോ​ട്ട​ർ​മാ​രെ സ്വാ​ധീ​നി​ക്കാ​ൻ ഡോ​ണ​ൾ​ഡ്​ ട്രം​പ്​ ഉ​പ​യോ​ഗി​ച്ച കേം​ബ്രി​ജ്​ അ​നലി​റ്റി​ക​യെ ഇ​ന്ത്യ​യി​ലെ നാ​ലു​ തെ​ര​ഞ്ഞെ​ടു​പ്പി​ൽ ബി.​ജെ.​പി ഉ​പ​യോ​ഗി​ച്ചു​വെ​ന്ന വാ​ർ​ത്തക്ക് പിന്നാലെയാണ് മോദി ആപ്പ് ചോർത്തലും പുറത്തുവന്നത്.  സ​മൂ​ഹ​ മാ​ധ്യ​മ​ങ്ങ​ളി​ൽ​ നി​ന്ന്​ വ്യ​ക്​​തി​ക​ളു​ടെ വി​വ​രം​ ചോ​ർ​ത്തു​ന്നു​വെ​ന്നും തെ​ര​ഞ്ഞെ​ടു​പ്പി​നെ സ്വാ​ധീ​നി​ക്കു​ന്നു​വെ​ന്നു​മാ​യി​രു​ന്നു ഇ​ന്ത്യ​യി​ൽ കേം​ബ്രി​ജ്​ അ​നലി​റ്റി​ക​​ക്കെ​തി​രാ​യ ആ​രോ​പ​ണം. മോദി ആപ്പ് ചോർത്തൽ വിവാദമായെങ്കിലും പ്രധാനമന്ത്രിയുടെ ഒാഫിസ് ഇതുവരെ പ്രതികരിച്ചിട്ടില്ല. 

തെ​ര​ഞ്ഞെ​ടു​പ്പു​ കാ​ല​ത്ത്​ യു.​എ​സ്​ പ്ര​സി​ഡ​ൻ​റ്​ ഡോ​ണ​ൾ​ഡ്​ ട്രം​പി​നു​ വേ​ണ്ടി പ്ര​വ​ർ​ത്തി​ച്ച രാ​ഷ്​​ട്രീ​യ വി​വ​ര വി​ശ​ക​ല​ന സ്​​ഥാ​പ​ന​മാ​ണ്​ യു.​കെ ആ​സ്​​ഥാ​ന​മാ​യ സ്​​ട്രാ​റ്റ​ജി​ക്​ ക​മ്യൂ​ണി​ക്കേ​ഷ​ൻ ല​ബോ​റ​ട്ട​റീ​സിന്‍റെ കീഴിലെ കേ​ം​ബ്രി​ജ്​ അ​ന​ലി​റ്റി​ക. വി​വി​ധ രാ​ജ്യ​ങ്ങ​ളി​ലെ 200 തെ​ര​​​ഞ്ഞെ​ടു​പ്പു​ക​ളി​ൽ വ്യാ​ജ പ്ര​ചാ​ര​ണ​ങ്ങ​ളി​ലൂ​ടെ വോ​ട്ട​ർ​മാ​രെ സ്വാ​ധീ​നി​ച്ച്​ തെ​ര​ഞ്ഞെ​ടു​പ്പ്​ അ​ട്ടി​മ​റി​ച്ച​തി​ന്​ ഇ​വ​ർ ന​ട​പ​ടി നേ​രി​ടു​ക​യാ​ണ്. ബ്രി​ട്ട​നി​ലെ ​ബ്രെ​ക്​​സി​റ്റ്​ പ്ര​ചാ​ര​ണ ​കാ​ല​ത്തും സ​മാ​ന​രീ​തി​യി​ൽ സ്വ​കാ​ര്യ​വി​വ​രം ചോ​ർ​ത്തി​യ​തി​ന്​ യു.​കെ പാ​ർ​ല​മെന്‍റി​​​​​​​െൻറ അ​ന്വേ​ഷ​ണ​വും നേ​രി​ടു​ന്നു​ണ്ട്. സ്വ​കാ​ര്യ​താ നി​യ​മം ലം​ഘി​ച്ച്​ അ​ഞ്ചു​ കോ​ടി​യോ​ളം ഫേ​സ്​​ബു​ക്ക്​ അം​ഗ​ങ്ങ​ളു​ടെ വ്യ​ക്​​തി​വി​വ​രം ചോ​ർ​ത്തി​യ​താ​യി ക​ണ്ടെ​ത്തി​യ​തി​നെ ​തു​ട​ർ​ന്ന്​ കേ​ം​ബ്രി​ജ്​ അ​ന​ലി​റ്റി​ക​യെ ഫേ​സ്​​ബു​ക്ക്​ പു​റ​ത്താ​ക്കി​യി​രു​ന്നു.