Top
Begin typing your search above and press return to search.
exit_to_app
exit_to_app
മോദിയും അമിത്​ ഷായും ഇന്ന്​ അസമിൽ; സി.എ.എ വിരുദ്ധ സമരക്കാരെ അടിച്ചമർത്തി പൊലീസ്​
cancel
Homechevron_rightNewschevron_rightIndiachevron_rightമോദിയും അമിത്​ ഷായും...

മോദിയും അമിത്​ ഷായും ഇന്ന്​ അസമിൽ; സി.എ.എ വിരുദ്ധ സമരക്കാരെ അടിച്ചമർത്തി പൊലീസ്​

text_fields
bookmark_border

ഗുവാഹത്തി: പ്രധാനമന്ത്രി നരേന്ദ്ര മോദിയും ആഭ്യന്തര മന്ത്രി അമിത്​ ഷായും ശനിയാഴ്ച അസം സന്ദർശിക്കാനിരിക്കെ സംസ്​ഥാനത്ത്​ നടന്ന സി.എ.എ വിരുദ്ധറാലിക്ക്​ നേരെ പൊലീസിന്‍റെ ക്രൂരമായ അതിക്രമം. വിവാദ നിയമത്തിനെതിരെ സംസ്​ഥാനത്തുടനീളം വെള്ളിയാഴ്ച പന്തംകൊളുത്തി​ മാർച്ചുകൾ സംഘടിപ്പിച്ചിരുന്നു​. എന്നാൽ, ഇവർക്കെതിരെ രൂക്ഷമായ ഭാഷയിലാണ്​ പൊലീസ്​ പ്രതികരിച്ചത്​. നിരവധി പേരെ അറസ്റ്റ്​ ചെയ്​തു.

വെള്ളിയാഴ്ച തേസ്​പുരിൽ ഓൾ അസം സ്റ്റുഡന്‍റ്​സ്​ യൂനിയന്‍റെ നേതൃത്വത്തിൽ നടന്ന​ പ്രതിഷേധ മാർച്ചിന്​ നേരെ പൊലീസ്​ ലാത്തിച്ചാർജ്​ പ്രയോഗിച്ചു​. ഇതോടെ സമരം അക്രമാസക്​തമായി. പൊലീസ്​ നടപടിയിൽ പ്രതിഷേധിച്ച്​ എ.എ.എസ്​.യു സോണിറ്റ്​പുർ ജില്ലയിൽ ശനിയാഴ്ച ഹർത്താൽ പ്രഖ്യാപിച്ചു. മോദിയും അമിത് ഷായും വരുന്നതിന്‍റെ ഭാമായി വിദ്യാർത്ഥി സംഘടന അസമിൽ മൂന്ന് ദിവസത്തെ പ്രതിഷേധമാണ്​ സംഘടിപ്പിക്കുന്നത്​.

എ‌.എ‌.എസ്‌.യു പ്രവർത്തകർ സംഘടിപ്പിച്ച റാലി പൊലീസ് തടഞ്ഞതോടെ പാർട്ടിയുടെ മുഖ്യ ഉപദേഷ്​ടാവ് സമുജ്ജൽ ഭട്ടാചാര്യ, പ്രസിഡന്‍റ്​ ദീപങ്ക നാഥ് എന്നിവരുൾപ്പെടെയുള്ള നേതാക്കൾ പൊലീസുമായി രൂക്ഷമായ തർക്കത്തിൽ ഏർപ്പെട്ടു.

'സമാധാനപരവും ജനാധിപത്യപരവുമായ റാലി തടയാൻ സർക്കാർ പൊലീസിനെ അനുവദിച്ചിരിക്കുകയാണ്​. പ്രതിഷേധിക്കാനുള്ള ജനാധിപത്യ അവകാശം ബലപ്രയോഗത്തിലൂടെ കവർന്നെടുക്കാൻ ബി.ജെ.പി സർക്കാർ ശ്രമിക്കുന്നു. പ്രധാനമന്ത്രി നരേന്ദ്ര മോദിയും ആഭ്യന്തരമന്ത്രി അമിത് ഷായും ഉടൻ അസമിൽ എത്തും. എന്നാൽ, സി‌.എ‌.എക്കെതിരായ പ്രക്ഷോഭം ശക്തമാക്കുമെന്ന് ഞങ്ങൾ കേന്ദ്രത്തിന് മുന്നറിയിപ്പ് നൽകുന്നു. സി‌.എ‌.എ റദ്ദാക്കുന്നതുവരെ വിശ്രമമില്ല' -ദീപങ്ക നാഥ് പറഞ്ഞു.

Show Full Article
TAGS:caa protest assam 
News Summary - Modi and Amit Shah in Assam today; Police brutally crackdown on anti-CAA protesters
Next Story