ജമ്മുവിൽ ഇന്റർനെറ്റ് വിച്ഛേദിച്ചു; അമിത്ഷായുടെ റാലി ഇന്നും നാളെയും

ജമ്മുവിലും സമീപ ജില്ലയായ രജൗരിയിലും മൊബൈൽ, ഇന്റർനെറ്റ് ബന്ധങ്ങൾ വിച്ഛേദിച്ചു. ഇന്നും നാളെയുമായി കേന്ദ്ര ആഭ്യന്തരമന്ത്രി അമിത് ഷാ ഇവിടെ വ്യത്യസ്ത റാലികളിൽ പ​​​ങ്കെടുക്കുന്നുണ്ട്.

കഴിഞ്ഞ ദിവസമാണ് അമിത് ഷാ ജമ്മുവിലെത്തിയത്. റജൗരിയിലും ബാരാമുല്ലയിലുമാണ് അമിത് ഷാ റാലികളിൽ പ​ങ്കെടുക്കുന്നത്. പഹാരി സമുദായത്തിന് പട്ടിക വർഗ (എസ്.ടി) പദവി നൽകുന്ന പ്രഖ്യാപനം റാലിയിൽ അമിത്ഷാ നടത്തുമെന്നാണ് പ്രതീക്ഷിക്കുന്നത്. പട്ടിക വർഗ പദവി ആവശ്യപ്പെടുന്ന മറ്റു സമുദായങ്ങൾ അത് ലഭിക്കാത്തതിൽ അമർഷത്തിലാണുള്ളത്.

ജയിൽ ഡി.ജി.പി ഹേമന്ദ് ലോഹിയയെ വീട്ടുജോലിക്കാരൻ കഴിഞ്ഞ ദിവസം കഴുത്തറുത്ത് കൊന്നിരുന്നു. ഈ സംഭവത്തിന് ഭീകര ബന്ധമൊന്നും പൊലീസ് ഇതുവരെ കണ്ടെത്തിയിട്ടില്ലെങ്കിലും സുരക്ഷ ശക്തമാക്കിയിട്ടുണ്ട്.