കശ്​മീരിൽ മൊബൈൽ ഇൻറർനെറ്റ്​ സേവനം പുന:സ്ഥാപിച്ചു

ശ്രീനഗർ: ജമ്മുകശ്​മീരിൽ മൊബൈൽ ഇൻറർനെറ്റ്​ സേവനം പുന:സ്ഥാപിച്ചു. വ്യാഴാഴ്​ച രാത്രി പത്ത്​ മണി മുതലാണ്​ ഇൻറർനെറ്റ്​ സേവനം താൽകാലികമായി നിർത്തിവെച്ചത്​. ഹിസ്​ബുൽ മുജാഹിദീൻ കമാൻഡർ ബുർഹാൻവാനിയുടെ മരണം നടന്ന്​ ഒരു വർഷം തികയുന്നതി​​​െൻറ പശ്​ചാത്തലത്തിൽ സുരക്ഷ മുൻകരുതൽ എന്ന നിലയിലായിരുന്നു ഇൻറർനെറ്റ്​ സേവനം റദ്ദാക്കിയത്​. 

സാമൂഹിക മാധ്യമങ്ങളിലൂടെ വ്യാപകമായി ഇന്ത്യ വിരുദ്ധ പ്രചാരണങ്ങൾ ഉണ്ടാവുമെന്ന ആശങ്കയിലായിരുന്നു നടപടി. കശ്​മീർ പൊലീസാണ്​ ഇൻറർനെറ്റ്​ ബന്ധം റദ്ദാക്കാൻ സേവനദാതാക്കളോട്​ ആവശ്യപ്പെട്ടത്​.