മധ്യപ്രദേശിൽ 15 കാരൻ അമ്മയുടെ മൊ​ബൈലുമായി വീടുവിട്ടു

ഇന്ദോർ: മധ്യപ്രദേശിൽ ഓൺലൈൻ ഗെയിമിന് അടിമപ്പെട്ട 15കാരൻ അമ്മയുടെ മൊബൈലുമായി വീടുവിട്ടു. ഉജ്ജയ്നിലെ വീട്ടിൽ നിന്ന് 55 കി.മി സൈക്കിളിൽ യാ​ത്ര ചെയ്താണ് കുട്ടി ഇന്ദോറിലെത്തിയതെന്ന് പൊലീസ് പറഞ്ഞു. ചൊവ്വാഴ്ചയാണ് എട്ടാംക്ലാസ് വിദ്യാർഥിയെ കാണാതായതായി രക്ഷിതാക്കൾ പൊലീസിൽ പരാതി നൽകിയത്.

മൊബൈലിന്റെ ലൊക്കേഷനും സി.സി.ടി.വി ദൃശ്യങ്ങളും പരിശോധിച്ചാണ് പൊലീസ് കുട്ടിയെ കണ്ടെത്തിയത്. മുബൈയിലേക്ക് പോകാനാണ് ആദ്യം കരുതിയതെന്നും ഓ​ൺലൈൻ ഗെയിം ഡെവലപ്പറാകാൻ അമേരിക്കയാണ് നല്ലതെന്ന് പിന്നീട് തോന്നിയെന്നും കുട്ടി പൊലീസിനോട് പറഞ്ഞു.

ഇന്ദോറിൽ 15 കാരൻ അമ്മയുടെ മൊ​ബൈലുമായി വീടുവിട്ടുഅമ്മയുടെ മൊബൈലിൽ കുട്ടി 28 ഗെയിമുകൾ ഡൗൺലോഡ് ചെയ്തതായും പൊലീസ് കണ്ടെത്തി. ചൈൽഡ് വെൽഫയർ കമ്മിറ്റി കൗൺസലിങ് നൽകിയതിനു ശേഷം ബാലനെ മാതാപിതാക്കൾക്കൊപ്പം വിട്ടയച്ചു.