മന്ത്രവാദിനിയെന്ന്​ ആരോപിച്ച്​ സ്​ത്രീയെ നാട്ടുകാർ തല്ലിക്കൊന്നു

ജയ്​പൂർ: രാജസ്​ഥാനിലെ അജ്​മീറിൽ മന്ത്രവാദിനിയെന്നാരോപിച്ച്​ 40കാരിയായ സ്​ത്രീയെ നാട്ടുകാർ മക​​െൻറ മുന്നിലിട്ട്​ തല്ലിക്കൊന്നു. അജ്​മീറിലെ കെക്​രി ഗ്രാമത്തിലാണ്​ സംഭവം. ഭർത്താവ്​ മരിച്ച സ്​ത്രീ 15കാരനായ മകൻ രാഹുലിനോടൊപ്പം  ആഗസ്​ത്​ രണ്ടിന്​ ​​ൈവകീട്ട്​ പുറത്തിറങ്ങിയതായിരുന്നു. കഴിഞ്ഞ മാസമാണ്​ അവരുടെ ഭർത്താവ്​ അസുഖത്തെ തുടർന്ന്​ മരിച്ചത്​. അമ്മയും മകനും നടക്കുന്നതിനിടെ ഇവരുടെ ബന്ധുവായ പെൺകുട്ടിയും സുഹൃത്തും പെ​െട്ടന്ന്​ ഇവരെ തടഞ്ഞു നിർത്തി. 

ഇരുവരും പ്രത്യേക തരത്തിൽ പെരുമാറുകയും അജ്​ഞാത ശക്​തി തങ്ങളുടെ ശരീരത്തിൽ കയറിയെന്ന്​ അവകാശപ്പെടുകയും ചെയ്​ത​ുവെന്ന്​ രാഹുൽ പറയുന്നു. അതിനു ശേഷം പെൺകുട്ടികൾ ത​​​െൻറ അമ്മ മന്ത്രവാദിനിയാണെന്ന്​ ആരോപിക്കുകയും ചെയ്​തു. എന്നിട്ട്​ അമ്മയുടെ മുടി പിടിച്ചു വലിക്കാനും അടിക്കാനും തുടങ്ങി. ആ സമയം ഒരു കൂട്ടം ജനങ്ങൾ തടിച്ചു കൂടി. 

ചിലർ സമീപത്തെ വയലുകളിൽ നിന്ന്​ മനുഷ്യ വിസർജ്യം കൊണ്ടു വന്ന്​ അമ്മയെ നിർബന്ധിച്ച്​ കഴിപ്പിച്ചുവെന്നും മലിനജലം കുടിപ്പിച്ചുവെന്നും രാഹുൽ ആരോപിച്ചു. ത​​െൻറ അപേക്ഷകൾ ചെവികൊള്ളാതെ ജനക്കൂട്ടം അമ്മയെ വിവസ്ത്രയാക്കിയെന്നും രാഹുൽ  പറയുന്നു. തുടർന്ന്​ കരികൊണ്ടുവന്ന്​ കൈയിലും ശരീരഭാഗങ്ങളിലും വച്ച്​ തീയിട്ടു. ഇൗ ക്രൂരതക്ക്​ ശേഷം ഒരു ദിവസം കഴിഞ്ഞ്​ അവർ മരിച്ചു. 

അതിനെ തുടർന്ന്​ നാട്ടുക്കൂട്ടം വിളിച്ചു കൂട്ടി പരിഹാസ നാടകവും അരങ്ങേറി. പാപത്തി​​െൻറ കറ പുഷ്​കർ തടാകത്തിൽ കഴുകണ​െമന്നു പറഞ്ഞ്​ നാമമാത്ര പിഴയടപ്പിച്ച്​ കൊലപാതകികളെ നാട്ടുക്കൂട്ടം വെറുതെ വിട്ടു. 

പ്രശ്​നങ്ങളുടെ തുടക്കക്കാരികളായ പെൺകുട്ടികളെ തടാകത്തിൽ മുക്കി പാപം കഴുകി കളഞ്ഞുവെന്നും പറഞ്ഞു. ഇരുവരിൽ നിന്നും 2500 രൂപ പിഴ ഇൗടാക്കുകയും ചെയ്​തു. ആരും പൊലീസിൽ പരാതി നൽകരുതെന്ന താക്കീതും നാട്ടുക്കൂട്ടം മുന്നോട്ടുവെച്ചുവെന്ന്​ മരിച്ച സ്​ത്രീയു​ടെ മകൻ പറയുന്നു. സ്​ത്രീയുടെ കൊലപാതകികളുടെ കുടുംബം രാഹുലി​​െൻറ സംരക്ഷണം ഏറ്റെടുക്കണമെന്നും നാട്ടുക്കൂട്ടം വിധിച്ചു.