കർണാടക: എം.എൽ.എമാരുടെ സത്യപ്രതിജ്​​ഞ പൂർത്തിയായി

ബംഗളൂരു: കർണാടക നിയമസഭ വിധാൻ സൗധയിൽ എം.എൽ.എമാരു​െട സത്യപ്രതിജ്​ഞാ ചടങ്ങുകൾ പൂർത്തിയായി. അംഗങ്ങൾ വന്ദേമാതരം ചൊല്ലി  സഭാ നടപടികൾ ആരംഭിച്ചു. മുഖ്യമന്ത്രി ബി.എസ്​ യെദിയുരപ്പയാണ്​ ആദ്യം സത്യപ്രതിജ്​ഞ ചെയ്​തത്​. പിറകെ, കോൺഗ്രസ്​ നേതാവ്​ സിദ്ധരാമയ്യയും സത്യപ്രതിജ്​ഞ ചെയ്​തു. മറ്റ്​ ബി.ജെ.പി, കോൺഗ്രസ്​, ജെ.ഡി.എസ്​ എം.എൽ.എമാരുടെ സത്യപ്രതിജ്​ഞ തുടരുന്നു. എന്നാൽ കോൺഗ്രസി​​​​​​െൻറ രണ്ട്​എം.എൽ.എമാർ സത്യപ്രതിജ്​ഞക്കെത്തിയിട്ടില്ല. ആനന്ദ്​ സിങ്​, പ്രതാപ്​ ഗൗഡ പാട്ടീൽ എന്നിവരാണ്​ ചടങ്ങിൽ നിന്ന്​ വിട്ടുനിന്നത്​.  

സമാധാനപരമായി വിശ്വാസവോട്ട്​ നടത്താൻ കർണാടക നിയമ സഭ വിധാൻ സൗധയിൽ 200 ഒാളം സുരക്ഷാ ഉദ്യോഗസ്​ഥരെ നിയോഗിച്ചിട്ടുണ്ട്​.  പ്രൊടെം സ്​പീക്കർ കെ.ജി ബൊപ്പയ്യ സഭാധ്യക്ഷ സ്​ഥാനത്തിരുന്ന്​ നടപടികൾ നിയന്ത്രിച്ചു. സിദ്ധരാമയ്യ, രാമലിംഗ റെഡ്​ഢി തുടങ്ങി കോൺഗ്രസ്​ എം.എൽ.എമാരും ബി.ജെ.പി എം.എൽ.എമാരും വിധാൻ സൗധയിൽ ഹാജരായിട്ടുണ്ട്​. നിയമസഭക്ക്​ മുന്നിൽ ശക്​തമായ പൊലീസ്​ കാവലുണ്ട്​. പാർട്ടി പ്രവർത്തകരെ നിയമസഭാ പരിസരത്തേക്ക്​ പോലും കടത്തിവിടാതിരിക്കാൻ വേണ്ട എല്ലാ നടപടികളും പൊലീസ്​ സ്വീകരിക്കുന്നുണ്ട്​.  

 ഇരുമുന്നണികളും തികഞ്ഞ ആത്മവിശ്വാസത്തിലാണ്. നിയമസഭയിൽ വിശ്വാസവോട്ട് നേടുമെന്നതിൽ നൂറു ശതമാനം ഉറപ്പെന്ന് മുഖ്യമന്ത്രി ബി.എസ് യെദിയൂരപ്പ പ്രതികരിച്ചു. നാലുമണിക്ക്​ ശേഷം ആഘോഷിക്കാൻ തയാറെടുക്കാൻ പ്രവർത്ത​കരോട്​ അദ്ദേഹം ആവശ്യപ്പെട്ടു. 

അതേസമയം, കേന്ദ്ര സർക്കാർ തടവിലാക്കിയിരിക്കുകയാണെന്ന്​ കോൺഗ്രസ്​ ആരോപിച്ച എം.എൽ.എ ആനന്ദ്​ സിങ്​ വൈകീട്ട്​ നാലിന്​ വിശ്വാസവോട്ടിന്​ പ​െങ്കടുക്കുമെന്ന്​ കോൺഗ്രസ്​ അറിയിച്ചു. അദ്ദേഹം ഇപ്പോൾ തങ്ങളോടൊപ്പമില്ല. എന്നാൽ നേതാക്കളുമായി അദ്ദേഹം ബന്ധപ്പെട്ടിട്ടുണ്ട്​. നാലിന്​ വിശ്വാസവോട്ടിൽ കോൺഗ്രസ്​-ജെ.ഡി.എസ്​ സഖ്യത്തിന്​ വോട്ടുചെയ്യുമെന്നും കോൺഗ്രസ്​ നേതാവ്​ രാഗലിംഗ റെഡ്​ഢി പറഞ്ഞു. അതിനിടെ, രണ്ട്​ ​െജ.ഡി.എസ്​ എം.എൽ.എമാർ കൂറുമാറി ബി.ജെ.പിയിൽ ചേർന്നതായി എച്ച്​.ഡി കുമാരസ്വാമി സ്​ഥീരീകരിച്ചു. 

അതിനിടെ ലോക്​ സഭാ ​എം.പിമാരായിരുന്ന ബി. ശ്രീരാമലു, ബി.എസ്​ ​െയദിയുരപ്പ എന്നിവർ തെരഞ്ഞെടുപ്പിൽ വിജയിച്ചതോടെ എം.പി സ്​ഥാനം രാജിവെച്ചു. രാജി സ്​പീക്കർ സ്വീകരിച്ചു.