കേടായ വോട്ടിങ്​ മെഷീൻ എറിഞ്ഞുടച്ചു; സ്​ഥാനാർഥി അറസ്​റ്റിൽ

അമരാവതി: വോട്ട്​ ചെയ്യാനെത്തിയ സ്​ഥാനാർഥി ഇലക്​​ട്രോണിക്​ വോട്ടിങ്​ മെഷിൻ പ്രവർത്തിക്കുന്നില്ലെന്ന്​ ആ രോപിച്ച്​ എറിഞ്ഞുടച്ചു. ആന്ധ്ര പ്രദേശിലെ അനന്ത്​പൂർ ജില്ലയിലെ ഗൂട്ടി ബൂത്തിലാണ്​ സംഭവം.

ജനസേനയുടെ എം.എൽ. എ സ്​ഥാനാർഥി മധുസൂദൻ ഗുപ്​തയാണ്​ വോട്ടിങ്​ മെഷീൻ നിലത്തെറിഞ്ഞത്​. വോട്ട്​ ചെയ്യാനെത്തിയപ്പോൾ മെഷീൻ പ്രവർത്തിക്കുന്നില്ലെന്ന്​ ആരോപിച്ച ഗുപ്​ത മാധ്യമപ്രവർത്തകരെ പോൾ ബൂത്തിലേക്ക്​ വിളിച്ചു വരുത്തി മെഷീൻ നിലത്തെറിയുകയായിരുന്നു. തുടർന്ന്​ പൊലീസ്​ ഗുപ്​തയെ അറസ്​റ്റ്​ ചെയ്​തു നീക്കി.

ആന്ധ്രയിൽ ഒന്നാംഘട്ട ലോക്​സഭാ തെരഞ്ഞെടുപ്പിനൊപ്പം 175 അംഗ നിയമസഭയിലേക്കുള്ള തെരഞ്ഞെടുപ്പും നടക്കുന്നുണ്ട്​. ആന്ധ്രയെ കൂടാതെ സിക്കിം, ഒഡിഷ, അണുണാചൽ പ്രദേശ്​ എന്നിവിയാണ്​ നിയമസഭാ തെരഞ്ഞെടുപ്പ്​ നടക്കുന്ന മറ്റ്​ സംസ്​ഥാനങ്ങൾ​.

#WATCH Jana Sena MLA candidate Madhusudhan Gupta smashes an Electronic Voting Machine (EVM) at a polling booth in Gooty, in Anantapur district. He has been arrested by police. #AndhraPradesh pic.twitter.com/VoAFNdA6Jo

— ANI (@ANI) April 11, 2019