സ്​കൂൾ തുറക്കണമെന്നാവശ്യപ്പെട്ട്​ കത്തെഴുതിയ ആറാം ക്ലാസുകാരിയെ ഫോണിൽ വിളിച്ച്​ സ്​റ്റാലിൻ

ചെന്നൈ: എത്രയും പെ​െട്ടന്ന്​ സ്​കൂൾ തുറക്കണമെന്നാവശ്യപ്പെട്ട്​ കത്തെഴുതിയ ആറാം ക്ലാസുകാരിയെ ഫോണിൽ വിളിച്ച്​ മുഖ്യമന്ത്രി എം.കെ. സ്​റ്റാലിൻ. ധർമപുരി ഒസൂർ ടൈറ്റൻ ടൗൺഷിപ്പിൽ താമസിക്കുന്ന രവിരാജൻ-ഉദയകുമാരി ദമ്പതികളുടെ മകൾ പ്രജ്നയെയാണ്​ വെള്ളിയാഴ്​ച സ്​റ്റാലിൻ ഫോണിൽ വിളിച്ച്​ സംസാരിച്ചത്​.

പ്രജ്​ന അയച്ച കത്തിൽ ഫോൺ നമ്പറും കുറിച്ചിരുന്നു. വിഷമിക്കേണ്ടതില്ലെന്നും നവംബർ ഒന്നിന്​ വിദ്യാലയങ്ങൾ തുറക്കാൻ നടപടി സ്വീകരിച്ചുവരുകയാണെന്നും സ്​റ്റാലിൻ വിദ്യാർഥിനിയെ അറിയിച്ചു.

സ്​കൂളിൽ ചെന്നാൽ കോവിഡ്​ മാനദണ്ഡങ്ങൾ പാലിക്കണമെന്നും നന്നായി പഠിക്കണമെന്നും ഉപദേശിച്ചു. മുഖ്യമന്ത്രി ഫോണിൽ വിളിച്ചപ്പോൾ ആദ്യം വിശ്വസിക്കാനായില്ലെന്ന്​ പ്രജ്​നയുടെ കുടുംബാംഗങ്ങൾ പറഞ്ഞു.