Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightഅക്​ബർ ‘സമ്പൂർണ്ണ...

അക്​ബർ ‘സമ്പൂർണ്ണ മാന്യനെന്ന്​’ സഹപ്രവർത്തകയുടെ മൊഴി

text_fields
bookmark_border
അക്​ബർ ‘സമ്പൂർണ്ണ മാന്യനെന്ന്​’ സഹപ്രവർത്തകയുടെ മൊഴി
cancel

ന്യൂഡൽഹി: മീടൂ ക്യാമ്പയിനി​​​​​​െൻറ ഭാഗമായി മാധ്യമപ്രവർത്തകരായ നിരവധി സ്​ത്രീകൾ പീഡനാരോപണമുന്നയിച്ച മുൻ കേന്ദ്ര മന്ത്രി എം.ജെ അക്​ബറിനെ പിന്തുണച്ച്​ സാക്ഷി മൊഴി. സൺഡേ ഗാർഡിയൻ എഡിറ്ററും മുൻ സഹപ്രവർത്തകയുമായ ​ജൊയീറ്റ ബസുവാണ്​ അക്​ബറിനെ അനുകൂലിച്ച്​ രംഗത്തെത്തിയത്​​. അക്​ബർ പൂർണ്ണമായും മാന്യനായ വ്യക്​തിയാണെന്നായിരുന്നു ജൊയിറ്റയുടെ മൊഴി.

അക്​ബറി​ന്​ മാനഹാനിയുണ്ടാക്കാൻ കരുതിക്കൂട്ടിയാണ്​ പ്രിയ രമണി ട്വീറ്റുകളിട്ടതെന്നും അവർ ആരോപിച്ചു. പ്രിയ രമണിക്കെതിരെ അക്​ബർ നൽകിയ അപകീർത്തിക്കേസിൽ അക്​ബറിന്​ വേണ്ടി സാക്ഷി പറയാനെത്തിയതായിരുന്നു ജൊയീറ്റ.

അക്​ബറിനൊപ്പം 20 വർഷത്തോളം ​ജോലി ചെയ്​തിട്ടും അയാൾക്കെതിരെ യാതൊരു പരാതിയും ഉയർന്നതായി കേട്ടിട്ടില്ല. പൊതു സമ്മതനും വലിയ ആദരം ലഭിച്ചിരുന്നതുമായി വ്യക്​തിയായിരുന്നു അക്​ബറെന്നും ജൊയീറ്റ മൊഴി നൽകി. തന്നോട്​ അങ്ങേയറ്റം പ്രൊഫഷണലായാണ്​ അദ്ദേഹം പെരുമാറിയിട്ടുള്ളത്​. മഹാനായ ഒരു അധ്യാപകൻ കൂടിയായിരുന്നു അക്​ബറെന്നും അവർ കോടതിയിൽ പറഞ്ഞു.

വിഖ്യാത മാധ്യമപ്രവർത്തകനും വിദഗ്​ധനായ എഴുത്തുകാരനുമായ അദ്ദേഹം സമ്പൂർണ്ണനായ മാന്യനാണെന്നും ത​​​​​​െൻറ കണ്ണിൽ കുറ്റമറ്റ കീർത്തിയുള്ള മനുഷ്യനാണ്​ അക്​ബറെന്നും അവർ കൂട്ടിച്ചേർത്തു.

മാധ്യമപ്രവർത്തകനായിരുന്ന കാലത്ത് എം.ജെ. അക്​ബർ​ പല ഘട്ടങ്ങളിലായി പീഡിപ്പിക്കുകയും മോശമായി പെരുമാറുകയും ചെയ്​തെന്ന്​ പ്രിയ രമണി അടക്കമുള്ളവരുടെ ആരോപണത്തെ തുടർന്ന്​ വിദേശകാര്യ സഹമന്ത്രി സ്ഥാനം അക്​ബർ രാജിവെച്ചിരുന്നു.

Show Full Article
TAGS:Me Too mj akbar Priya Ramani JOYEETA BASU india news 
News Summary - MJ Akbar is a thorough gentleman says former co-worker
Next Story